बॉलिवूड अभिनेत्री कतरिना कैफच्या एका व्हिडीओवरुन नेटकऱ्यांमध्ये उलट-सुलट चर्चा रंगत आहेत. एअरपोर्टमधील या व्हिडीओमध्ये तिने लूज कपडे घातल्याने ती प्रेग्नंट आहे का? असा प्रश्न नेटकऱ्यांना पडलाय. ओव्हरसाईझ व्हाईट शर्ट आणि ब्लॅक जॅकेटसोबत जॉगर्स, असा लूज कपड्यांचा पेहराव करुन कॅटरिना आपला 'बेबी बम्प' लपवत असल्याचे एका नेटिझनने म्हटले आहे.

कतरिना प्रेग्नंट असल्याच्या चर्चा आधीपासून रंगत आहेत. तसेच सध्या कतरिना कोणत्याही समारंभात दिसून आलेली नाही. अनंत अंबानी आणि राधिका मर्चंटच्या संगीत कार्यक्रमातही विकी कौशलसोबत कतरिना हजर नसल्याचे दिसले. त्यावेळी विकीने कतरिना मुंबईबाहेर असल्याचे मीडियाला सांगितले. आता कतरिना मुंबईत परतल्यानंतर तिच्या प्रेग्नंसीच्या चर्चा रंगू लागल्या आहेत.

सध्या विकी कौशलच्या 'बॅड न्यूज' या सिनेमाचा ट्रेलर प्रदर्शित करण्यात आला. त्यावेळी मीडियाने त्याला गुड न्यूज कधी देणार? असा प्रश्न केला होता. तेव्हा 'वेळ आल्यावर तुम्हाला सांगूच, सध्या तरी बॅड न्यूज एन्जॉय करा', असे म्हणत विकीने चर्चांना पूर्णविराम दिला होता. मात्र कॅटच्या या व्हिडीओने चर्चेचे रान पुन्हा एकदा उठवले आहे