मुंबई : ज्येष्ठ अभिनेते दिलीप कुमार (Dilip Kumar) यांना पुन्हा एकदा मुंबईच्या हिंदुजा रुग्णालयात दाखल करण्यात आले. हिंदुजा रुग्णालयाचे (Hinduja Hospital) डॉ. जलील पारकर (Dr. Jalil parkar) यांनी याबाबत माहिती दिली आहे. 98 वर्षीय दिलीप कुमार यांच्यावर सध्या उपचार सुरू असल्याचे डॉ. पारकर यांनी सांगितले आहे. मात्र त्यांच्या प्रकृतीबाबत इतर माहिती द्यायला नकार दिला आहे. तर त्यांचे वय आणि प्रकृती पाहता खबरदारी म्हणून त्यांना रुग्णालयात दाखल करण्यात आले, असल्याची प्राथमिक माहिती समोर आली आहे.

या व्यतिरिक्त त्यांच्या कौटुंबिक सूत्रांकडून मिळेल्या माहितीनुसार, दिलीप कुमार यांचे हिमोग्लोबिनही कमी झाल्यामुळे आणि त्यांचे वय आणि परिस्थितीत पाहता सर्व प्रकारच्या चाचण्यांसाठी त्यांना पुन्हा दवाखान्यात दाखल केले आहे, त्यांची प्रकृती ठीक आहे. काळजी करण्यासारखे काही नाही. दरम्यान, 6 जून रोजी आरोग्याच्या समस्येमुळे त्यांना रुग्णालयाात दाखल करण्यात आले होते. दिलीपकुमार यांना श्वासोच्छवास घेण्यास त्रास होत असल्यामुळे त्यांना रुग्णालयात दाखल करण्यात आले होते. उपचारानंतर त्यांना पाच दिवसांनी रुग्णालयातून घरी सोडण्यात आले.

गेल्या वर्षी दिलीपकुमार यांनी त्यांचे दोन धाकटे भाऊ असलम खान (88) आणि एहसान खान (90) यांना कोरोना व्हायरसमुळे गमावले. त्यानंतर त्यांनी आपला आणि लग्नाचा वाढदिवसदेखील साजरा केला नाही.

Edited By- Anuradha