मुंबई : बॉलिवूडचा प्रसिद्ध अभिनेता सिद्धार्थ मल्होत्रा (Sidharth Malhotra) , अजय देवगण आणि रकुल प्रीत सिंग यांचा मल्टीस्टार चित्रपट 'थँक गॉड' (Thank God) मधील 'माणिके' हे नवीन गाणे आज रिलीज झाले आहे, जे सोशल मीडियावर तुफान व्हायरल होत आहे. ज्यामध्ये नोरा फतेही आणि सिद्धार्थ मल्होत्रा ​​यांचा बोल्ड स्टाइल डान्स पाहायला मिळत आहे. हे गाणे रिलीज झाल्यापासून सोशल मीडियावर ट्रेंड होत आहे.

नुकतेच 'थँक गॉड' चित्रपटातील 'माणिके' हे गाणे रिलीज झाले आहे, हे गाणं टी-सीरीजने आपल्या यूट्यूब चॅनलवरून शेअर केले आहे. हे नवीन गाणे रिलीज होताच शोषल मीडियावर मोठ्या प्रमाणात व्ह्यराल होतं आहे. नोरा फतेही (Nora Fatehi) आणि सिद्धार्थ मल्होत्राच्या डान्स मूव्हने लोकांची मने जिंकली आहेत. नोराचा किलर डान्स आणि व्हिडीओमधला लूक पाहून तुम्हीही तिच्यासाठी वेडे व्हाल. नोरासोबत सिद्धार्थ मल्होत्राची केमिस्ट्री प्रेक्षकांना आवडत आहे. नेहमीप्रमाणेच नोराने यावेळीही आपल्या स्टाईलने या गाण्यांमध्ये चारचांद लावले आहेत.

सुरिया रंगनाथन, योहानी आणि जुबिन नौटियाल यांनी 'माणिके' गाण्याला आपला आवाज दिला आहे. गाण्याचे बोल रश्मी विराग आणि दुलांजा आल्विस यांनी लिहिले आहेत. चित्रपटात सिद्धार्थ मल्होत्रा ​​'अयान'ची भूमिका साकारत आहे, तर अजय देवगण 'चित्रगुप्त'च्या भूमिकेत दिसणार आहे.

काही दिवसांपूर्वीच या चित्रपटाचा ट्रेलर रिलीज झाला आहे, हा ट्रेलर खूपच मनोरंजक असल्याचे प्रेक्षक सांगत आहेत. याशिवाय रकुल प्रीत सिंह सिद्धार्थ मल्होत्राची पत्नी आणि पोलिस इन्स्पेक्टरच्या भूमिकेत दिसणार आहे. 'थँक गॉड' पुढील महिन्यात म्हणजेच २५ ऑक्टोबर २०२२ रोजी चित्रपटगृहांमध्ये प्रदर्शित होणार आहे.