मुंबई - अनेक चित्रपटांबरोबरच टीव्ही मालिकांमध्ये Tv Serial आपल्या अभिनयाची छाप सोडणाऱ्या ‘ठाकुर सज्जन सिंह’ फेम अभिनेते अनुपम श्याम Anupam Shyam यांचे निधन झाले आहे. बऱ्याच काळापासून अनुपम श्याम हे आजारी होते. रविवारी सांयकाळी त्यांचे निधन झाले आहे. मल्टीपल ऑर्गन फेल्यूअरमुळे त्यांचे निधन झाले. ते ६३ वर्षांचे होते. त्यानच्यावर मुंबईमधील Mumbai लाइफ लाइन रुग्णालयामध्ये Hospital उपचार सुरु होते. काल रात्री आठच्या सुमारास त्यांची प्रकृती खालावली आणि मल्टीपल ऑर्गन फेल्यूअरमुळे त्यांचा मृत्यू झाला.

हे देखील पहा -

मन या लोकप्रिय मालिकेला त्यांनी दिलेला आवाज आणि त्यासोबतच प्रतिज्ञा या मालिकेमधील ठाकुर सज्जन सिंह यामुळे अनुपम यांनी आपली एक वेगळी ओळख निर्माण केली.अनुपम यांनी दस्तक, हजार चौरासी की मां, दुश्मन, सत्या, दिल से, जख्म, संघर्ष, लगान, नायक, शक्ति, पाप, जिज्ञासा सारख्या अनेक चित्रपटांमध्ये काम करत आपली एक वेगळी आणि अनोखी ओळख निर्माण केली आहे.

प्रतिज्ञा या मालिकेमुळे अनुपम घराघरात पोहचले. या मालिकेत त्यांनी ठाकुर सज्जन सिंहची भूमिका साकारली होती. आता अनुपम यांच्या निधनानंतर मनोरंजन क्षेत्रामध्ये शोक व्यक्त केला जात आहे.

दरम्यान, चित्रपट निर्माते अशोक पंडित यांनी अनुपम श्याम यांच्या निधनाची बातमी दिली. त्यांनी ट्वीट करत ही माहिती दिली आहे. या ट्विटमध्ये ते म्हणले की, 'दिग्गज अभिनेता अनुपम श्याम यांचं मल्टिपल ऑर्गन फेलिअरमुळे निधन झालं. हे सिनेसृष्टी आणि टीव्ही जगताचं मोठं नुकसान आहे.'

Edited By - Shivani Tichkule