तेजश्री प्रधान आणि सुबोध भावे (Tejashri-Subodh) ही जोडी पहिल्यांदाच एकत्र दिसणार आहे. तेजश्री प्रधान आणि सुबोध भावे यांची नवीन मालिका सुरु होणार आहे. झी मराठीवर ही मालिका सुरु होणार आहे. या मालिकेचं नाव काय असणार? ही मालिका कशी असणार असे अनेक प्रश्न चाहत्यांच्या मनात निर्माण झाले होते. तर आता या सर्व प्रश्नांची उत्तरे समोर आली आहेत. मालिकेचा पहिला प्रोमो प्रेक्षकांच्या भेटीला आला आहे.

तेजश्री प्रधान-सुबोध भावेची पहिली मालिका

तेजश्री प्रधान आणि सुबोध भावे पहिल्यांदाच छोट्या पडद्यावर एकत्र आले आहेत. त्यांच्या मालिकेचं नाव 'वीण दोघांतली ही तुटेना' (vin doghatli hi tutena)असं आहे. या मालिकेच्या प्रोोवर नियतीने जोडी जुळवली की ठरवून 'लग्न' होतं... आणि न ठरवता 'प्रेम असं कॅप्शन दिलेलं आहे.

मालिकेचा प्रोमो (Tejashri Pradhan Subodh Bhave Serial Promo)

मालिकेचा पहिला प्रोमो सर्वांच्या भेटीला आला आहे. प्रोमोत तेजश्री प्रधान आणि सुबोध भावे एका हॉटेलमध्ये बसलेले दिसत आहे. हॉलेटमध्ये असताना सुबोध भावे सर्वात आधी सॅनिटाइझरने सर्व काही साफ करताना दिसत आहे. मेन्यूकार्डवरीलदेखील सॅनिटाइझर मारले. त्यानंतर तो स्वतः ची ऑर्डर देताना दिसत आहे. तो नॉन व्हेज पदार्थांची ऑर्डर देतो. तेवढ्यात तेजश्री म्हणजे, मी नॉन व्हेज खात नाही. त्यानंतर ती स्वतः ची ऑर्डर देते.

यानंतर त्या दोघांमध्ये लग्न कसं करायचं असं संभाषण होताना दिसत आहे. डेस्टिनेशन वेडिंग नको, असं तेजश्री म्हणते. तर सुबोध म्हणतो, डेस्टिनेशन वेडिंग होणार पण भारतात. यावरुन हे दोघांच्या लग्नाबद्दल संभाषण करताना दिसत असल्याचे वाटते. परंतु असं काहीही नाहीये. त्यानंतर या दोघांचा साखरपुडा होताना दाखवतात. त्यावेळी तेजश्री म्हणजे, मी माझ्या भावासाठी हे लग्न करतेय आणि सुबोध म्हणतो, मी फक्त माझ्या बहिणीसाठी हे लग्न करतोय. या प्रोमोवरुन चाहत्यांच्या मनात अनेक प्रश्न निर्माण झाले आहेत.

नेटकऱ्यांची रिअॅक्शन

या प्रोमोवर नेटकऱ्यांनी लाईक्स आणि कमेंट्सचा वर्षाव होत आहे. ही मालिका हिंदी मालिकेची रिमेक असल्याचे चाहत्यांचे म्हणणे आहे. बडे अच्छे लगते है या मालिकेचा रिमेक केला असल्याचे चाहत्यांनी सांगितले आहेत.