छोट्या पदद्याची बातच न्यारी. छोट्या पडद्यावरील अनेक कार्यक्रम प्रक्षेकांमध्ये लोकप्रिय आहेत. त्यातही अगदी सिरियस फॅमिली ड्रामापासून ते ऑफबीट कथानक असलेल्या मालिकांपर्यंत सगळ्यालाच प्रेक्षकांनी पसंतीची पावती दिली आहे. या छोट्या पडद्यानं इंडस्ट्रीला अनेक कलाकारही दिले. अनेकाचं अभिनयात करिअर घडवलं आहे.
छोट्या पडद्यावरची 'तारक मेहता का उल्टा चष्मा' ही विनोदी मालिका ही त्यापैकीच एक. अनेक वर्षांनंतरही 'तारक मेहता का उल्टा चष्मा'ची जादु कायम आहे. या मालिकेची आणि तिच्या कलाकारांची लोकप्रियता तसुभरही कमी झाली नाही. 'तारक मेहता का उल्टा चष्मा'मध्ये मराठमोळ्या भिडे दाम्पत्याच्या मुलीची म्हणजेच सोनु भिडेची व्यक्तिरेखा साकारणारी अभिनेत्री पलक सिधवानी घराघरात पोहचलेली आहे. पण आता अभिनेत्री पलक सिधवानी आपल्याला मालिकेत यापुढे असणार नाही असं दिसत आहे.
अभिनेत्री पलक सिधवानीने या मालिकेचं प्रोडक्शन हाउस 'नीला फिल्म प्रोडक्शन्स प्रायव्हेट लिमिटेड'शी केलेला करार मोडला आहे. 'तारक मेहता का उल्टा चष्मा'या मालिकेतले कलाकार आणि प्रोडक्शन हाउसचे मालक असित मोदी यांच्यात काही कारणांवरुन वाद असल्याचं समजतंय. अभिनेत्री पलक सिधवानीने प्रोडक्शन हाउसचे मालक असित मोदी यांच्यासोबतच्या वादामुळे मालिकेत काम करण्याला नकार दिला आहे, अशी चर्चा आहे. पण पलकला जेव्हा या वादांविषयी विचारण्यात आलं तेव्हा तिनं या बातम्या निरर्थक असल्याचं सांगितलंय. आता खरंखोटं काय ते लवकरच कळेल.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.