टिव्हीवरील तारक मेहता का उल्टा चश्मा ही मालिका लहानापांसून मोठ्यापर्यंत सर्वांचीच आवडती मालिका आहे. गेली १२ वर्षे ही मालिका प्रेक्षकांचे निखळ मनोरंजन करत आहे. या मालिकेतील प्रत्येक पात्राने प्रेक्षकांच्या मनात घर केलं आहे. या मालिकेतील गोकुळधाम नगरीतील कुटुंब आणि त्याची एकजुट कायमच प्रेक्षकांच्या पसंतीस आली. अशातच गेल्या अनेक दिवसांपासून मालिकेतील कलाकार सोडून जात आहेत. यामुळे तारक मेहता का उल्टा चश्माचे प्रेक्षक नाराज झाले आहेत.

तारक मेहता का उल्टा चश्मा ही मालिका सध्या कोणत्या ना कोणत्या कारणांमुळे चर्चेत आहे. नुकतंच या मालिकेतील भिडेची मुलगी म्हणजेच सोनू उर्फ पलक सिंधवानीने मालिकेला राम राम केला आहे. सोशल मीडियावर नुकतंच पलकने पोस्ट शेअर केली आहे. पोस्टमध्ये, "पलकने तारक मेहता का उल्टा चश्मामधील प्रत्येक कलाकारांचे तिच्यासोबतचे फोटो शेअर केले आहेत. तसेच कॅप्शनमध्ये तिने, पलकने सेटवरचा माझा शेवटचा दिवस आहे, मी मेहनत, समर्पण आणि चिकाटीने गेली पाच वर्ष मालिकेत सोनूच्या भूमिकेत होती. आजवरच्या या प्रवासात तुम्ही मला दिलेल्या प्रेम आणि पाठिंब्याबद्दल माझ्या प्रेक्षकांचे मनापासून आभार

या प्रवासाबद्दल आणि ज्या अविश्वसनीय लोकांसोबत काम करण्याचा मला आनंद झाला त्याबद्दल मी खरोखर कृतज्ञ आहे. मी खूप काही शिकले आहे. हे केवळ सहकारी कलाकारांकडूनच नाही, तर पडद्यामागील प्रत्येकाकडून...., माझ्या हेअरस्टायलिस्टपासून ते स्पॉट टीम, मेकअप टीम आणि इतर सर्वांकडूनही. तुमच्यासोबतचा हा प्रवास अविस्मरणीय असेल."

पलकने काही दिवसांपूर्वीच तारक मेहता मालिकेचे निर्माते यांच्यावर आरोप केला आहे. पलक आणि मालिकेचे निर्माते यांच्यामध्ये वाद असतानाही अभिनेत्री पलकने हा मालिका सोडणार असल्याचा निर्णय घेतला आहे. यापूर्वी मालिकेत काम करण्याचा करार मोडल्याचा आरोप निर्मात्यांनी केला होता. निर्मात्यांनी तिला कायदेशीर नोटीस पाठीवली होती. हे सर्व आरोप पलकने फेटाळले होते.