Taapsee Pannu And Mathias Boe Wedding

बॉलिवूडमध्ये सध्या (Bollywood) लगीनघाई सुरू आहे. एकापाठोपाठ एक सेलिब्रिटी विवाहबंधनात अडकत नव्या आयुष्याची नवी सुरूवात करताना दिसत आहे. गेल्या काही दिवसांपूर्वीच, रकुल प्रीत- जॅकी भगनानी, क्रिती खरबंदा- पुलकित सम्राट यांनी लग्नगाठ बांधली. आता या कपलनंतर आणखी एक बॉलिवूड अभिनेत्री विवाहबंधनात अडकल्याची माहिती समोर येत आहे. रिपोर्टनुसार, तापसीने बॉयफ्रेंड मॅथियास बोईसोबत नुकतीच लग्नगाठ बांधली आहे. मीडिया रिपोर्टनुसार, तापसी आणि तिचा बॉयफ्रेंड मॅथियास बोईने २३ मार्च रोजी लग्नगाठ बांधली आहे.

तापसी आणि मॅथियासने उदयपूरमध्ये गुपचूप लग्नगाठ बांधली आहे. तापसी आणि मॅथियास यांच्या लग्नामध्ये दोघांचेही कुटुंबीय आणि जवळच्या मित्रांच्या उपस्थितीत त्यांनी सप्तपदी घेतली आहे. न्यूज १८ च्या रिपोर्टनुसार, या कपलने सिक्रेट वेडिंग केले आहे. तापसी आणि मॅथियास यांच्या लग्नामध्ये फक्त बॉलिवूड दिग्दर्शक- निर्माता अनुराग कश्यप यांनी उपस्थिती लावली होती. गेल्या काही दिवसांपासून या कपलच्या लग्नाची चर्चा माध्यमांमध्ये सुरू होती. पण या कपलने कोणालाही न कळता गुपचूप लग्न उरकलं आहे.

तापसी आणि मॅथियास गेल्या 10 वर्षांपासून एकमेकांना डेट करत आहेत. हे कपल नेहमी सोशल मीडियावर एकमेकांप्रती प्रेम व्यक्त करतात. पण ते नेहमीच लाइमलाइटपासून दूर राहतात.

तापसीने अलीकडेच एका मुलाखतीमध्ये मॅथियासबद्दल मोकळेपणाने सांगितले होते की, ती तिच्या पहिला बॉलिवूड चित्रपट 'चश्मे बद्दूर'च्या शूटिंगच्या वेळी मॅथियासला भेटली होती. तापसी पन्नूचा होणारा नवा मॅथियास हा डेन्मार्कचा बॅडमिंटनपटू आहे. मॅथियासने २०१२ च्या ऑलिम्पिक स्पर्धेत दुहेरी बॅडमिंटन स्पर्धेत रौप्य पदक पटकावले होते. २०१५ च्या युरोपियन गेम्समध्ये सुवर्ण पदक पटकावले होते. मॅथियास हा सध्या भारताच्या राष्ट्रीय बॅडमिंटन संघाचा प्रशिक्षक आहे.