Govinda: बॉलिवूड अभिनेता गोविंदाची पत्नी सुनिता आहुजा ही तिच्या स्पष्टवक्तेपणामुळे अनेकदा चर्चेत असते. अलीकडेच सोशल मीडियावर व्हायरल झालेल्या एका व्हिडीओमुळे तिला मोठ्या प्रमाणात ट्रोलिंगचा सामना करावा लागला होता. आता या संपूर्ण प्रकरणावर सुनिताने यावर आता सविस्तर प्रतिक्रिया देत गैरसमज दूर करण्याचा प्रयत्न केला आहे.

काही दिवसांपूर्वी एका मुलाखतीदरम्यान गोविंदा यांचा उल्लेख ‘GOAT’ असा करण्यात आला होता. मात्र, या शब्दाचा अर्थ सुनिताला माहित नसल्याने तिने त्यावर वेगळी प्रतिक्रिया दिली. GOAT म्हणजे ‘Greatest Of All Time’ असा अर्थ होतो. परंतु त्यावेळी सुनिताला हा अर्थ माहित नव्हता आणि तिने तो शब्द ‘शेळी’ किंवा ‘बोकड’ असा समजला होता.

या घटनेची आठवण सांगताना सुनिता म्हणाल्या, “मी तेव्हा म्हणाले होते की माझे पती काही शेळी किंवा बोकड नाहीत. खरं तर मला असे म्हणायचे होते की ते सिंहासारखे आहेत. त्यावेळी GOAT चा खरा अर्थ मला माहित नव्हता. “जर मला याचा अर्थ आधीच माहित असता, तर मी स्वतःच गोविंदाला GOAT म्हटले असते. त्याच्या तोडीचा अभिनेता आजही नाही.”

या मुलाखतीत सुनिताने गोविंदाबद्दल आणखी एक खास खुलासा केला. त्यांच्या पहिल्या भेटीच्या आठवणी सांगताना सुनिताने गोविंदाच्या दिसण्याचं कौतुक केलं. सुनिता म्हणाली “तो आजही खूप देखणे दिसतात, फरक फक्त एवढाचं की त्यावेळी त्याचे नॅचरल केस होते. आता तो हेअर पॅच वापरतो,” असे त्या हसत म्हणाल्या

दरम्यान, सुनिता आहुजा लवकरच रिअॅलिटी शोमध्ये झळकणार आहे. त्या ‘लॉक अप’च्या दुसऱ्या भागात सहभागी होणार असल्याची चर्चा आहे. तसेच मुलगी टीना आहुजासोबत ती एका नव्या रिअॅलिटी शोमध्येही दिसणार आहेत. त्यामुळे आगामी काळात सुनिता आहुजा पुन्हा एकदा सोशल मिडियावर ट्रेंड करणार आहे.