Binodini : देव एंटरटेनमेंट व्हेंचर्सच्या आगामी बहुप्रतीक्षित "बिनोदिनी – एकती नातीर उपाख्यान"च्या पोस्टरचे अनावरण नुकतेच कलकत्ता येथे प्रसिद्ध असलेल्या थिएटरमध्ये सुप्रसिद्ध चित्रपट निर्माते, दिग्दर्शक राम कमल मुखर्जी यांच्या हस्ते संपन्न झाले. पोस्टरमध्ये एक महान संत, आध्यात्मिक गुरु अशी ओळख असलेल्या प. पूज्य श्री रामकृष्ण परमहंस देव यांच्या परिवर्तनात्मक चित्रणात अभिनेता चंदन रॉय सान्याल यांची विशेष ओळख करून देण्यात आली आहे. प्रमोद फिल्म्स द्वारे विविध मोशन पिक्चर्सच्या संयुक्त विद्यमाने निर्मित आणि देव एन्टरटेन्मेंट व्हेंचर्स प्रस्तुती असलेला बिनोदिनी – एकती नातीर उपाख्यान हा बंगाली भाषेतील चित्रपट येत्या २३ जानेवारीला संपूर्ण महाराष्ट्रात प्रदर्शित होणार आहे.

हा चित्रपट उत्तर कोलकात्यातील रेड-लाइट एरियतील एका तरुण मुलीचा प्रेरणादायी पण हृदयद्रावक प्रवासाचे वर्णन करणारा आहे. ज्या मुलीने थिएटर क्षेत्रात येऊन यशस्वी कारकीर्द घडवली जिला नटी बिनोदिनी म्हणून ओळखले जाऊ लागले.अनेक अडीअडचणींचा सामना करून जिद्द आणि चिकाटीच्या जोरावर नटी बिनोदिनी यांनी स्वतःची एक वेगळी ओळख निर्माण केली होती.

दिग्दर्शक राम कमल मुखर्जी यांनी पुरुषप्रधान समाजात प्रतिष्ठेसाठी लढणारी एक स्त्री म्हणून तिचा संघर्ष आणि विजय अधोरेखित करून, बिनोदिनीची कथा जिवंत केली आहे. हा चित्रपट १९व्या शतकातील बंगालच्या दोलायमान पण दमनकारी नाट्यसंस्कृतीतून तिच्या संगीत आणि नाट्यमय वारशाने समृद्ध झालेला तिचा प्रवास शोधतो.

बिनोदिनी हा बायोपिकपेक्षा अधिक आहे; स्वप्नांच्या शोधात अथक आव्हानांना तोंड देणाऱ्या महिलांच्या अदम्य भावनेला ही श्रद्धांजली आहे. रामकृष्ण परमहंस देव यांची भूमिका अभिनेते चंदन रॉय सन्याल साकारणार आहेत. ज्यामुळे कथेत खोलवर भर पडते. रुक्मिणीसोबत पहिल्यांदाच या प्रोजेक्टवर काम केल्याचा आनंद झाला, माझ्या प्रेक्षकांनी तिने या भूमिकेत साकारलेला जीव अनुभवावा अशी माझी इच्छा आहे,” असे दिग्दर्शक राम कमल मुखर्जी यांनी सांगितले.

बिनोदिनी हा एक असा चित्रपट आहे जो स्त्रियांच्या न सांगितल्या जाणाऱ्या कथांवर प्रकाश टाकतो आणि स्वप्न पाहण्याच्या धाडसासाठी त्यांना किती किंमत मोजावी लागते यावर भाष्य करतो. येत्या २३ जानेवारी २०२५ला हा चित्रपट सर्वत्र प्रदर्शित होणार आहे.