अॅमेझॅान प्राईमच्या (Amazon Prime) दोन बहुचर्चीत वेब सिरीज 'द फॅमिली मॅन 2' (The Family Man-2) आणि मिर्झापुर (Mirzapur) मधिल प्रेक्षकांच्या आवडीचे दोन पात्र म्हणजे श्रिकांत तिवारी आणि कालीन भैय्या हे दोघे आता एका मिशनसाठी सोबत आले आहेत. प्राइमने एक व्हिडिओ पोस्ट केला आहे, ज्यामध्ये मनोज बाजपेयी, (Manoj Bajpeyee) पंकज त्रिपाठी (Pankaj Tripathi) यांच्यासह प्राईम वेब सिरीजच्या अनेक कलाकारांनी लोकांना कोरोना विषाणूचा (Coronavirus) पराभव करण्यासाठी लसीकरण (Vaccination) करुन घेण्याचे आवाहन केले आहे.

या व्हिडिओमध्ये पंकज त्रिपाठी प्रथम येतो आणि म्हणतो की कोरोना विषाणूला आता हरवायचे आहे. आता त्याला पराभूत करण्याची वेळ आली आहे. मग मनोज बाजपेयी म्हणतो - आपल्या कुटुंबाची सुरक्षा सुनिश्चित करणे हे एका मिशनपेक्षा कमी नाही. यानंतर फोर मोर शॉट्स प्लीज मधील अभिनेत्री वानीचा आवाज येतो आणि म्हणते की कुटुंबास सुरक्षित ठेवण्यासाठी एकच मार्ग आहे.

त्यानंतर पृथ्वीराज सुकुमारन येत आहेत, ज्यांचा कोल्ड केस हा चित्रपट 30 जून रोजी प्राईमवर रिलीज होत आहे. पृथ्वीराज मल्याळममध्ये म्हणतात की कुटुंबाच्या सुरक्षेसाठी लसीकरण आवश्यक आहे. त्यानंतर आर्य, जयदीप अहलावत (पातलोक), प्रियामणि (द फॅमिली मॅन 2), कीर्ती कुल्हारी (फोर मोर शॉट्स प्लीज), देवदर्शनी (द फॅमिली मॅन 2) आणि विद्या बालन (शेरनी) येतात. विद्या म्हणते की लसीसमोर कोरोना टिकणार नाही. उपलब्ध असलेली लस घ्या. उशीर करू नका.

कोरोना विषाणूचा मुकाबला करण्यासाठी, देशात लसीकरण मोहीम जोरात चालविली जात आहे आणि कोणत्याही चुकीच्या अफवांमुळे लोकांनी लसीकडे दुर्लक्ष करू नये असे आवाहन केले जात आहे. कोविड -19 टाळण्यासाठी लसीकरण हा सर्वात प्रभावी मार्ग आहे. या कलाकारांच्या चाहत्यांनीही या व्हिडिओवर बऱ्याच प्रतिक्रिया दिल्या आहेत.

Edited By : Pravin Dhamale