Rakshita Suresh Accident: 'पोन्नियिन सेल्वन 2' चित्रपटाची गायिका रक्षिता सुरेशचा रविवारी सकाळी मलेशियामध्ये कार अपघात झाला. यावेळी मलेशियातील रोडवरील डिव्हायडरला रक्षिताची कार जाऊन धडकली. त्यावेळी ती कारने विमानतळाच्या दिशेने जात होती. रक्षिता सुरेशने ए.आर. रहमानसोबत 'पोन्नियिन सेल्वन 2' चित्रपटामध्ये काही गाणे गायले आहेत. यावेळी त्यांनी सोशल मीडियावर एक नोट शेअर करून या घटनेची माहिती दिली आहे.

रक्षिता सध्या मलेशियात आहे, तिने सोशल मीडियावर पोस्ट शेअर करत आपल्या चाहत्यांना झालेल्या अपघाताची माहिती दिली आहे. अपघातावेळी तिचे संपूर्ण आयुष्य माझ्या डोळ्यांसमोरून पटकन गेले. एअरबॅगमुळे मी फार वाचली. अपघात मोठा होता, त्याच्यातून माझे बचाव होणे, ही बाब चमत्कारापेक्षा कमी नाही. पोस्ट शेअर करत ती म्हणते, "आज माझा एक मोठा अपघात झाला. मी प्रवास करत असलेली कार दुभाजकाला धडकली आणि रस्त्याच्या कडेला जाऊन आदळली. मी विमानतळावर जात असताना मलेशियामध्ये हा अपघात झाला. त्या 10 सेकंदात माझे संपूर्ण आयुष्य डोळ्यांसमोर आले." (Entertainment News)

पुढे ती लिहिते, "एअरबॅग्जमुळे आम्ही वाचलो. नाहीतर गोष्टी आणखी बिघडू शकल्या असत्या. घडलेल्या प्रकारामुळे आम्ही घाबरलो आहोत आणि इतर सहप्रवासी सुरक्षित आहेत. सर्वांना किरकोळ जखमा झाल्या आहेत. आम्ही वाचलो." (Tollywood)

रक्षिता सुरेशने 'पोन्नियिन सेल्वन 2' मध्ये किरुनागे हे एक गाणे गायले आहे. रक्षिता सुरेशने 2009 मध्ये लिटिल स्टार सिंगर रिअॅलिटी शो जिंकला होता. यानंतर तिने अनेक चित्रपटांमध्ये सुपरहिट गाणी गायली आहेत.