साऊथ अभिनेता विजय देवरकोंडा (Vijay Deverakonda) सध्या त्याचा आगामी चित्रपट 'VD12' चांगलाच चर्चेत आहे. त्याने आजवर अनेक हिट चित्रपटांमध्ये काम केले आहे. 'VD12' नुकताच टीझर रिलीज करण्यात आला आहे. टीझर पाहिल्यानंतर चाहते चित्रपटासाठी खूप उत्सुक असल्याचे पाहायला मिळत आहे. 'VD12' चित्रपट 30 मे ला प्रेक्षकांच्या भेटीला येणार आहे.

विजय देवरकोंडाचा 'VD12' चित्रपट हिंदी, तामिळ आणि तेलुगू भाषांमध्ये प्रदर्शित झाला आहे. या चित्रपटाला तीन भाषेतील वेगवेगळ्या कलाकारांनी आवाज दिला आहे. विजय देवरकोंडाने सोशल मीडियावर पोस्ट करून या तिन्ही कलाकारांचे आभार मानले आहे. विजय देवरकोंडाच्या 'VD12' चित्रपटाला हिंदीमध्ये बॉलिवूडच्या 'ॲनिमल' ने आवाज दिला आहे. टीझरमध्ये बॉलिवूड अभिनेता रणबीर कपूरचा (Ranbir Kapoor) आवाज ऐकून चाहते दिवाने झाले आहेत.

विजय देवरकोंडाने रणबीर कपूरसाठी एक खास पोस्ट केली आहे. त्याने लिहिलं की,"रणबीर...माझ्या आवडत्या अभिनेत्यांपैकी एक...मी माझे वाक्य पूर्ण करण्याआधीच त्याने टीझर करण्यास होकार दिला होता. मी खूप उत्साहित आहे, माझ्या आवडत्या कलाकाराचा आवाज ऐकायला... धन्यवाद आरके... खूप प्रेम आणि मोठी मिठी"

विजय देवरकोंडाच्या 'VD12' चित्रपटच्या तेलुगू भाषेतील टीझरला साऊथ सुपरस्टार ज्युनियर एनटीआरने आवाज दिला आहे. तर तामिळ भाषेतील टीझरला अभिनेता सूर्याने आवाज दिला आहे. या दोघांचे देखील विजय देवरकोंडाने आभार मानले आहेत. 'VD12' चित्रपटात अभिनेता विजय देवरकोंडासोबत रश्मिका मंदाना, श्रीलीला, केशव दीपक हे कलाकार देखील महत्त्वाच्या भूमिकेत आहेत.