Shraddha Kapoor Injured: बॉलिवूड अभिनेत्री श्रद्धा कपूरच्या चाहत्यांसाठी चिंताजनक बातमी समोर आली आहे. मीडिया रिपोर्ट्सनुसार, श्रद्धा कपूर तिच्या आगामी "ईठा" चित्रपटाच्या चित्रीकरणादरम्यान गंभीर अपघात झाला. श्रद्धा कपूर अपघातात गंभीर जखमी झाली आणि तिचा पाय फ्रॅक्चर झाला. तथापि, अभिनेत्रीच्या टीमने अद्याप अधिकृत निवेदन जारी केलेले नाही.

श्रद्धा कपूर जखमी

असे वृत्त आहे की श्रद्धा कपूरला सेटवर गंभीर दुखापत झाली होती यामुळे निर्मात्यांना शूटिंग थांबवावे लागले. मिड-डेच्या वृत्तानुसार, श्रद्धा कपूर "ईठा" चित्रपटाच्या एका लावणीचे शूट करत होती.यासाठी तिने पारंपारिक नऊवारी साडी, जड दागिने आणि कंबरेचा पट्टा घातला होता. या शूट दरम्यानचं तिचा अपघात झाला.

श्रद्धा कपूरचा पाय फ्रॅक्चर

नऊवारी साडी आणि नृत्याच्या हालचालींमुळे श्रद्धा कपूरचा तोल गेला आणि ती जोरात पडली. तिच्या पायाला आणि हाताला दुखापत झाली. शिवाय, तिच्या पायाला फ्रॅक्चर झाल्याचेही वृत्त आहे. 'ईठा' चित्रपटाचे चित्रीकरण मड आयलंडमध्ये सुरू आहे. दुखापतीनंतर, युनिटने ताबडतोब शूटिंग थांबवले.श्रद्धा कपूर बरी होईपर्यंत निर्मात्यांनी चित्रीकरण थांबवले आहे. युनिट आता तिच्या पूर्ण बरे होण्याची वाट पाहणार आहे.

'ईठा' मधील व्यक्तिरेखा

श्रद्धा कपूर 'ईठा' चित्रपटात महाराष्ट्राची प्रसिद्ध लोककलावंत विठाबाई भाऊ यांची भूमिका साकारत असल्याचे वृत्त आहे. चित्रपटाची अधिकृत घोषणा अद्याप झालेली नसली तरी, १ नोव्हेंबर २०२५ रोजी औधेवाडी येथे चित्रीकरण सुरू झाले आहे. विठाबाई भाऊ (१९५७-१९९०) यांनी महाराष्ट्रातील लोकनृत्य लावणीला एक नवीन ओळख दिली. त्यांच्या कलेची दखल घेत तिला राष्ट्रपती पुरस्कारानेही सन्मानित करण्यात आले.