रश्मिका मंदाना, शाहिद कपूर आणि कृती सेनचा 'कॉकटेल २' चित्रपट १९ जूनला थिएटरमध्ये रिलीज झाला. मात्र 'कॉकटेल २' पाहिला गेलेले प्रेक्षक श्रद्धा कपूरचे कौतुक करताना दिसत आहे. कारण 'कॉकटेल २' या चित्रपट प्रदर्शित झाल्यानंतर काही वेळातच श्रद्धा कपूरच्या आगामी सिनेमा 'ईथा' (Eetha) चा पहिला टीझर समोर आला. या टीझरने सोशल मीडियावर धुमाकूळ घातला आहे.

व्हायरल होणाऱ्या टीझर व्हिडीओमध्ये, श्रद्धा कपूर पारंपरिक साडीतील लूकमध्ये दिसत आहे. गर्भावस्थेच्या शेवटच्या टप्प्यात असतानाचे दृश्य पाहून अंगावर काटा येतो. विठाबाईंना लावणी सुरू असताना प्रसूती कळा येतात. त्या स्टेजमागे जाऊन बाळाला जन्म देतात आणि पुन्हा स्टेजवर येऊन नृत्य सादर करताना, व्हिडीओत दिसत आहे. चित्रपटाच्या टीझरने चाहते श्रद्धा कपूरला या नव्या रंगात पाहायला उत्सुक आहेत.

'ईथा' हा चित्रपट प्रसिद्ध मराठी लावणी नर्तकी विठाबाई नारायणगावकर यांच्या जीवनावर आधारित आहे. महाराष्ट्राच्या लोकनाट्य परंपरेतील अत्यंत प्रभावशाली व्यक्तींपैकी एक म्हणून त्या ओळखल्या जातात. आपल्या उत्कृष्ट लावणी आणि तमाशा सादरीकरणासाठी प्रसिद्ध असलेल्या नारायणगावकर यांनी प्रेक्षकांना मंत्रमुग्ध केले होते. पारंपरिक लोककलेतील त्यांच्या योगदानाची दखल घेत त्यांना अनेक पुरस्कारांनी गौरवण्यात आले.

'ईथा' कधी रिलीज होणार?

लक्ष्मण उतेकर दिग्दर्शित 'ईथा' या चित्रपटात रणदीप हुड्डा आणि मोहम्मद जीशान अय्यूब हे कलाकारही मुख्य भूमिकेत दिसणार आहेत. 'ईथा' हा चित्रपट २८ ऑगस्टला रिलीज होणार आहे. मीडिया रिपोर्टनुसार, 'ईथा' चित्रपटाचे शूटिंग नाशिक, सातारा येथे झाले आहे.

विठाबाई नारायणगावकर कोण होत्या?

विठाबाई नारायणगावकर या तमाशा कलाकार होत्या. पंढरपूरमधील कलाकारांच्या कुटुंबात जन्मलेल्या विठाबाईंचे वडील आणि काका 'भाऊ-बापू मंग नारायणगावकर' नावाचा कौटुंबिक कलापथक चालवत होते. त्यांचे आजोबा, नारायण खुदे हे त्या कलापथकाचे संस्थापक होते. विठाबाई लावणी, गवळण यांसारख्या विविध प्रकारच्या गाण्यांच्या वातावरणात लहानाच्या मोठ्या झाल्या. विठाबाई नारायणगावकर या लावणी सम्राज्ञी होत्या. तमाशा आणि लावणी क्षेत्रात त्यांनी मोलाचे योगदान दिले आहे.