Shefali Jariwala: २७ जूनच्या रात्री ४२ वर्षांच्या कांटा लगा गर्ल उर्फ ​​शेफाली जरीवालाचे निधन झाले. अभिनेत्रीचा मृत्यू हृदयविकाराच्या झटक्याने झाला. कूपर हॉस्पिटलमध्ये शवविच्छेदनानंतर, शेफालीला काल पती पराग त्यागी, कुटुंब आणि जवळच्या मित्रांनी सहअश्रू निरोप दिला.

शेफाली जरीवाला एक इंजिनिअर होती

शेफाली जरीवाला गेल्या दोन दशकांपासून इंडस्ट्रीमध्ये सक्रिय आहेत. त्यांनी बॉलिवूड, साऊथ सिनेमा आणि टीव्ही इंडस्ट्रीमध्ये काम केले आहे. १५ डिसेंबर १९८२ रोजी अहमदाबाद येथे जन्मलेली शेफाली ग्लॅमर जगात येण्यापूर्वी अभियांत्रिकीचे शिक्षण घेत होती. तिने सरदार पटेल कॉलेज ऑफ इंजिनिअरिंगमधून माहिती तंत्रज्ञान (आयटी) मध्ये अभियांत्रिकी पदवीचे शिक्षण घेतले.

शेफाली जरीवाला ही 'कांटा लगा' या गाण्याच्या म्युझिक व्हिडिओसाठी फेमस आहे. या गाण्याने तिला रातोरात स्टार बनवले. पण तुम्हाला माहिती आहे का की या म्युझिक व्हिडिओसाठी अभिनेत्रीला खूप संघर्ष करावा लागला. खरंतर, ती कॉलेजमध्ये असताना तिला 'कांटा लगा' या गाण्याची ऑफर मिळाली होती. तिचे वडील त्याला कडाडून विरोध करत होते. तथापि, अखेर अभिनेत्रीने खूप मेहनत घेत त्यांना तयार केले. एका मुलाखतीत शेफालीने सांगितले होते की २००२ मध्ये रिलीज झालेल्या 'कांटा लगा' या गाण्यासाठी तिला फक्त ७ हजार रुपये फी मिळाली.

शेफाली जरीवाला एक व्यावसायिका होती

टीव्ही शो, कार्यक्रम आणि जाहिराती करण्याव्यतिरिक्त, शेफाली जरीवाला तिच्या बहिणीसोबत व्यवसायही करायची. २०१६ मध्ये, तिने तिच्या बहिणीसोबत 'WYN' ही व्यावसायिक प्रशिक्षण कंपनीची सुरू केली.