मुंबई: बॉलिवूडचा बादशाह शाहरुख खान, जॉन अब्राहमसोबत आगामी चित्रपट 'पठाण'मध्ये स्क्रीन शेअर करताना दिसणार आहे. शाहरुख खानने जॉनला शांत आणि सुसंकृत व्यक्ती म्हटले आहे.

शाहरुखने शनिवारी त्याच्या चाहत्यांसोबतच्या प्रश्नोत्तर सत्रात हे विधान केला आहे; कार्यक्रमादरम्यान एका चाहत्याने त्याला जॉनसोबत चित्रपटात काम केल्याच्या अनुभवाविषयी विचारले.

चाहत्यांच्या या प्रश्नावर शाहरुख खानने उत्तर देत म्हटले की, "जॉनला अनेक वर्षांपासून ओळखत आहे, त्याच्यासोबत काम करणे खूप आनंददायी अनुभव होता. तो सर्वात शांत आणि सुसंकृत व्यक्तींपैकी एक आहे." (Shah Rukh Khan)

चार वर्षांहून अधिक कालावधीनंतर शाहरुख मोठ्या पडद्यावर दिसणार आहे. 'पठाण' हा त्याच्या तीन चित्रपटांपैकी हा पहिला चित्रपट आहे. याआधी, तो 2018 मध्ये प्रदर्शित झालेल्या 'झिरो' चित्रपटात दिसला होता. 'झिरो' चित्रपटाला बॉक्स ऑफिसवर चांगली कमाई करता आली नव्हती. (Movie)

'पठाण'मध्ये एका भारतीय गुप्तहेराची कथा दाखविण्यात आली आहे. यशराज फिल्म्सने 'पठाण' चित्रपटाची निर्मिती केली आहे. 25 जानेवारी, 2023 रोजी हा चित्रपट प्रदर्शित होणार आहे.