Shahrukh Khan : बॉलीवूडचा किंग खान म्हणजेच शाहरुख खानचा मुलगा आर्यन खान 'स्टारडम' या वेब मालिकेतून दिग्दर्शन क्षेत्रात पदार्पण करणार आहे. 'स्टारडम' या वेब मालिकेची घोषणा झाल्यापासून या वेब सिरीजशी संबंधित अनेक बातम्या समोर येत आहेत. ‘स्टारडम’ ही वेब सिरीज हिंदी सिनेमावर आधारित आहे. अलीकडेच, या मालिकेशी संबंधित एक अपडेट समोर आले आहे, ज्यामध्ये असे सांगितले जात आहे की या वेब सिरीजमधील एका सीनमध्ये अनेक बॉलिवूडच्या कलाकारांचे दर्शन होणार आहे.

काही काळापूर्वी शाहरुख खानचे नाव 'स्टारडम' वेब सिरीजशी जोडले जात होते, पण आता मिळालेल्या माहितीनुसार, या मालिकेच्या एका सीनमध्ये एक, दोन नव्हे तर १८ बॉलिवूड सेलिब्रिटी सहभागी होणार आहेत. वेब सिरीजच्या एका सीनमध्ये स्टार-पॅक अवॉर्ड फंक्शन दाखवले जाईल, जे वांद्रे येथील मेहबूब स्टुडिओमध्ये शूट केले जात आहे. या सीनमधील काही सेलिब्रिटींनी त्यांचे भाग शूट केले आहेत. ज्यात राजकुमार राव, अर्जुन कपूर, सिद्धांत चतुर्वेदी आणि शनाया कपूर आदी कलाकारांची देखील नावे आहेत.

१५ डिसेंबरपर्यंत शूटिंग पूर्ण होईल

आर्यन खानच्या 'स्टारडम' या वेब सिरीजमधील हा सीन शाहरुख खानच्या ओम शांती ओम चित्रपटाची आठवण करून देतो, ज्यात एका गाण्यासाठी ३० सेलिब्रिटी सहभागी झाले होते. या वेब सिरीजच्या पुढील शूटिंग शेड्यूलमध्ये, शाहरुख खान, सारा अली खान आणि सोशल मीडिया इन्फ्लुएन्सर ओरी शूट करणार आहेत. तर, या सीनमध्ये करिश्मा कपूर, नीलम यांसारख्या बॉलिवूड सेलिब्रिटी आणि सीमा खान, भावना पांडे आणि महीप कपूर या बॉलीवूड वाईफ्सचा देखील समावेश असू शकतो. या सीनचे शूटिंग १५ डिसेंबरपर्यंत पूर्ण होईल, असे सांगण्यात येत आहे.

आर्यन खानने लिहिली आहे या वेब सिरीजची कथा

आर्यन खानच दिग्दर्शित 'स्टारडम' ही वेब सिरीज ६ भागांची असेल, जी पुढील वर्षी म्हणजेच २०२५ मध्ये नेटफ्लिक्सवर प्रदर्शित होईल. दिग्दर्शनासोबतच आर्यनने या मालिकेची कथाही लिहिली आहे. तर, 'स्टारडम' या वेब सिरीजची निर्मिती शाहरुख खानची प्रॉडक्शन कंपनी रेड चिलीज एंटरटेनमेंट करत आहे.