बॉलिवूडचा बादशहा शाहरुख खानचा चित्रपट प्रदर्शनासाठी सज्ज असून येत्या ७ सप्टेंबरला प्रेक्षकांच्या भेटीला येणार आहे. चित्रपटाच्या प्रदर्शनाआधी शाहरुख खानने वैष्णोदेवीचे दर्शन घेतले आहेत. शाहरुख खानचा हा व्हिडीओ सोशल मीडियावर व्हायरल होत आहे.
गेल्या वर्षी डिसेंबर महिन्यात 'पठान' चित्रपट प्रदर्शित होण्याआधी देखील शाहरुखने वैष्णोदेवीचे दर्शन घेतले होते. तसेच तो उमराह करण्यासाठी देखील गेला होता.
शाहरुख खान वैष्णोदेवीच्या दर्शनासाठी गेला असल्याचा व्हिडीओ व्हायरल होत आहे. या व्हिडीओमध्ये शाहरुख खानने सफेद शर्टवर निळी हुडी घातली आहे. कोणी त्याला ओळखू नये याच्यासाठी हुडी आणि मास्कने त्याने तोंड लपवले आहे. त्याच्यासह भरपूर सिक्युरिटी दिसत आहे.
मंगळवारी रात्री शाहरुख खान वैष्णोदेवीला गेला होता. दरम्यान शाहरुख खानने स्वतःची ओळख लपविण्याचा प्रत्यत्न केला असला तरी काही लोकांना त्याची ओळख पटली आहे.
शाहरुख खानच्या जवानचा आज ऑडिओ लाँच सोहळा चेन्नईत पार पडणार आहे. वैष्णोदेवीचे दर्शन घेऊन शाहरुख तिथे पोहोचला आहे. उद्या जवानची संपूर्ण टीम दुबईला जाणार आहे. दुबईतील बुर्ज खलिफा येथे जवानचा ट्रेलर प्रदर्शित होणार आहे. (Latest Entertainment News)
जवान चित्रपटातून दाक्षिणात्य चित्रपट दिग्दर्शक अॅटली बॉलिवूडमध्ये पदार्पण करणार आहेत. या चित्रपटामध्ये शाहरुखसह नयनतारा, प्रियामानी, सान्या मल्होत्रा देखील दिसणार आहेत. तसेच दीपिका पदुकोण आणि थलापती विजय या चित्रपटामध्ये कॅमिओ करणार आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.