आई होणं हे जगातील सर्वात सुंदर गोष्ट आहे. प्रत्येक महिलेला आई होण्याचे सुख अनुभवायचे असते. पण काही लोक या स्वर्ग सुखापासून वंचित राहतात. यामागे अनेक कारणे आहेत. काहींचे आरोग्य त्यांना साथ देत नाही. तर काहींची स्वः इच्छा नसते. मात्र मुलं जन्माला घालणं सर्वात भाग्याची गोष्ट आहे. मात्र हे सुख अमेरिकेतील लोकप्रिय गायिका, अभिनेत्री, निर्माती आणि बिझनेस वुमन सेलेना गोमेझ (Selena Gomez ) हिच्या वाट्याला नाही. नुकतेच सेलेना गोमेझ हिने एक धक्कादायक खुलासा केला आहे. ती कधीच आई होऊ शकणार नाही याची बातमी तिने दिली आहे. सेलेना आता ३२ वर्षांची आहे. सेलेनाही 1.3 बिलियन डॉलरची मालकीण आहे.

मीडिया रिपोर्टनुसार, एका मुलाखतीत तिने या बद्दलचा खुलासा केला आहे. सेलेना म्हणाली की, मी स्वत:च्या मुलाला कधीच जन्म देऊ शकणार नाही. तसेच तिने या मुलाखतीत त्याचे कारणही स्पष्ट केले आहे. सेलेना काहीकाळापासून 'ल्युपस' नावाच्या आजाराशी लढत आहेत. तिला ऑटोइम्यून हा आजार आहे. जो आपली शरीराची रोगप्रतिकारक शक्ती कमकुवत करतो. या आजारात शरीरातील टीश्यूजवर हल्ला होतो. २०१७ मध्ये सेलेनाने किडनी ट्रान्सप्लांट केले होते. तसेच सेलेना बायपोलर डिसऑर्डर मानसिक आजाराशी देखील सामना करत आहे.

यावर उपाय म्हणून सेलेना मूल दत्तक घेण्याचा विचार करत आहे. तसेच सरोगसीद्वारे मुलाला जन्म देईल असे म्हटलं आहे. तसेच ती म्हणाली की, मी भाग्यवान आहे की, सरोगसी किंवा दत्तक घेण्याचा पर्याय उपलब्ध आहे. हाच माझा शेवटचा पर्याय आहे. सेलेना गोमेझची आईला देखील दत्तक घेण्यात आले होते.