savalyachi janu savali: झी मराठीवरील लोकप्रिय मालिकेत 'सावळ्याची जणू सावली'मध्ये नवीन ट्विस्ट प्रेक्षकांना पाहायला मिळणार आहे. काही दिवसांपासून सावलीच्या आयुष्यात मोठ्या उलथापालथ दिसत आहे आणि आता तिच्या सर्वात मोठ्या सत्याबद्दल सर्वांना माहिती झाली आहे. सावलीने वर्षानुवर्षे भैरवीच्या मुलीसाठी तारासाठी गाणे गायले, पण हे सत्य तिने सारंग व इतरांपासून लपवून ठेवले होते. हे सत्य जाणून घेतल्यानंतर सारंगने ते जगासमोर आणले व सावलीला आपल्या खऱ्या ओळखीचा मान दिला.

आता मालिकेत पुढचा मोठा ट्विस्ट असा आहे की भैरवी आणि सावली समोरासमोर येणार आहेत. झी मराठी वाहिनीने सोशल मीडियावर शेअर केलेल्या प्रोमोमध्ये भैरवी जगन्नाथला म्हणते की तिने सर्व काही गमावले आहे आणि आता ती जगन्नाथला सोडणार नाही. तसेच सावली तिथे येऊन भैरवीला थेट उत्तर देते आणि संघर्ष सुरू होतो. प्रोमोमध्ये सावली भैरवीला म्हणते: “खबरदार माई, माझ्या घरच्यांबद्दल एक शब्दही बोललात ना तर…” आणि भैरवी म्हणते: “तर..? हे युद्ध सुरू आहे.” त्यानंतर सावली पुन्हा म्हणते: “हे युद्ध गुरू आणि शिष्यामधील असेल तुमचा अहंकार की माझी भक्ती?” असा तिला आव्हानही देते.

या नाट्यमय समोरासमोर परिस्थितीमुळे प्रेक्षकांच्या मनात उत्सुकता वाढली आहे. भैरवीचा अहंकार आणि सावलीची भक्ती यांच्यातील संघर्ष पुढे कसा रंगणार हे पाहणे आता मालिकेच्या चाहत्यांसाठी महत्त्वाचे ठरणार आहे. शिवाय सावली आणि जगन्नाथ यांच्यातील नातंही उत्सुकतेचं कारण ठरले आहे. कारण जगन्नाथ सावलीला मुलगी समजतो आणि सावलीदेखील त्याला वडील मानते.

हा ट्विस्ट नुसता वाद राहणार नाही तर भावनिक संघर्ष आणि पात्रांची खरी परीक्षा म्हणून पुढे दिसणार आहे. यामुळे प्रेक्षकांना मालिकेचा पुढचा भाग बघण्यासाठी अधिक उत्सुकता निर्माण झाली आहे. सावल्याची जणू सावली ही मालिका रोज