मनोरंजनसृष्टीतून धक्कादायक बातमी समोर आली आहे. मराठमोळी अभिनेत्रीचा घटस्फोट झाला आहे. ज्याची माहिती तिच्या नवऱ्याने चाहत्यांना दिली आहे. 'संगीत देवभाबळी' (sangeet devbabhali) फेम अभिनेत्री शुभांगी सदावर्तेचा (Shubhangi Sadavarte) घटस्फोट झाला आहे. 'संगीत देवभाबळी' नाटकात तिने महत्त्वाची भूमिका साकारली आहे. शुभांगी सदावर्तेच्या नवऱ्याचे नाव आनंद ओक (Anand Oak ) आहे. ते लग्नाच्या पाच वर्षांनी विभक्त झाले आहेत.

घटस्फोटासंदर्भात आनंद ओकने सोशल मीडियावर पोस्ट शेअर केली आहे. या बातमीने चाहत्यांना मोठा धक्का बसला आहे. शुभांगी आणि आनंदने 2020मध्ये लग्न बंधनात अडकले. आनंद ओकच्या पोस्टवर नेटकऱ्यांकडून कमेंट्सचा वर्षाव होत आहेत. चाहते त्यांना पुढच्या आयुष्यासाठी शुभेच्छा देत आहेत. शुभांगी आणि आनंद यांनी करोना काळात लग्नगाठ बांधली. आनंद ओकने पोस्टमध्ये नेमकं काय लिहिलं, जाणून घेऊयात.

आनंद ओक पोस्ट

"प्रिय मित्रांनो,

शुभांगी आणि मी काही वर्षांपूर्वी परस्पर सहमतीने वेगळे होण्याचा निर्णय घेतला होता. तो निर्णय स्वीकारण्यास आम्हाला थोडा वेळ लागला. आता हा निर्णय सांगण्यासाठी योग्य क्षण वाटतो आहे. आम्ही एकत्र घालवलेल्या क्षणांबद्दल आणि आम्ही एकत्र चाललेल्या प्रवासाबद्दल मी आभारी आहे. मी शुभांगीला भविष्यासाठी मनापासून शुभेच्छा देतो. ती एक उत्तम अभिनेत्री आणि व्यक्ती आहे. भविष्यात जेव्हा संधी मिळेल, तेव्हा आम्ही एकत्र काम करत राहू..."

'संगीत देवबाभळी' नाटक

सध्या 'संगीत देवबाभळी' हे नाटक हाऊसफुल पाहायला मिळत आहे. या नाटकात शुभांगी सदावर्तेने आवलीची भूमिका साकारली आहे. तिच्या अभिनयाचे सर्वत्र कौतुक होताना पाहायला मिळत आहे. शुभांगी सदावर्तेने 'महाराष्ट्र शाहीर' या चित्रपटात झळकली होती. तसेच तिची 'नवे लक्ष्य' ही पोलिसांची मालिका खूप गाजली.