बॉलिवूड अभिनेता सलमान खानला जीवे मारण्याच्या धमक्या येत आहेत. मागील अनेक दिवसांपासून सलमान खानला संपवण्याच्या मॅसेज येत आहेत. अलिकडेच पोलिसांच्या नंबरवर सलमान खानला धमकावण्याचा मॅसेज आला होता. या मॅसेजमध्ये सलमान खानची अवस्था राष्ट्रवादीचे नेते बाबा सिद्धीकी यांच्यापेक्षाही वाईट होईल असे म्हटले होते. दरम्यान आता याबाबतची मोठी अपडेट समोर आली आहे.

पोलिसांना ज्या नंबरवरून मॅसेज आला त्या व्यक्तीने माफी मागितली आहे. त्या व्यक्तीने चुकून मॅसेज पाठवल्याचे सांगितले आहे. सलमान खान आणि लॉरेन्स बिश्नोई हा वाद खूप जुना आहे. यामुळे यानावे सलमान सतत धमक्या येत असतात. नुकतंच वाहतूक पोलिसांना मॅसेज करणाऱ्या व्यक्तीने चूक मान्य करत माफी मागितली आहे.

वाहतूक पोलिसांना आलेल्या मॅसेजनुसार, अभिनेत्याला मारण्याची धमकी आणि ५ कोटी रूपयांची खंडणी मागितली होती. जर सलमानने पैसे दिले नाही तर त्याला संपवण्यात येईल असा मॅसेज होता. हा मॅसेज येण्याच्या दोन दिवसांपूर्वी सलमान खानचे निकटवर्तीय, राष्ट्रवादीचे नेते बाबा सिद्धिकी यांची हत्या झाली होती. मिळालेल्या माहितीनुसार, या हत्येची जबाबदारी लॉरेन्स बिश्नोई गँगने स्विकारली होती. यानुसार सलमानने मागितलेली रक्कम दिल्यास सलमानचे बिश्नोईसोबतचे वैर संपवू असे त्यात म्हटले होते.