मोहिनी सोनार - साम टीव्ही

बोल्ड, बिनधास्त आणि ब्युटिफुल अशी सई ताम्हणकरची ओळख आहे. तिनं आतापर्यंत मराठी सिनेसृष्टीत अनेक सिनेमे केलेत. याशिवाय तिनं बॉलिवूडमध्येही चांगलं नाव कमावलं आहे. एवढंच नाही तर मिमी या बॉलिवूड फिल्मसाठी तिला अवॉर्डही मिळालाय. मिमी, हंटर, भक्षक यासह अनेक वेब सिरीजमध्ये सईनं उत्तम काम केलंय. पण सई सध्या एका वेगळ्याच गोष्टीमुळे चर्चेत आली आहे. तिने एक धक्कादायक खुलासा केला आहे.

सई ताम्हणकरनं कास्टिंग काऊचबाबत वक्तव्य केलंय. सई कास्टिंग काऊचची शिकार झाल्याचं तिनं एका मुलाखतीत म्हटलं आहे. तिला एकानं डायरेक्टर आणि हिरोसोबत काँप्रोमाईज करण्यासाठी सांगितलं गेलं होतं. मिस मालिनी या शोच्या मुलाखतीत सई ताम्हणकरनं हा धक्कादायक खुलासा केलाय.

सईसोबत घडलेला 'तो' प्रसंग

सईनं म्हटलंय, "ही खूप दिवसांआधीची गोष्ट आहे. मात्र ती माझ्यासाठी तितकीच क्लेशदायक आणि त्रासदायक आहे. सईनं म्हटलं, एकदा मला एका व्यक्तीचा कॉल आला होता. जो फिल्म रिलेटेड गोष्टी मॅनेज करायचा. त्यानं मला सांगितलं तुझ्यासाठी एक फिल्म आहे. पण त्यासाठी तुला काहीतरी द्यावं लागेल. या फिल्मसाठी डायरेक्टर आणि प्रोड्यूसरसोबत काँप्रोमाईज करावं लागेल. त्यांच्यासोबत झोपावं लागेल. त्यानं म्हटलं खरं तर तुम्हाला हिरोसोबत या सगळ्या गोष्टी कराव्या लागतात. पण मी तुम्ही आहात म्हणून डायरेक्टर आणि प्रोड्यूसरबाबत बोलतोय." हे ऐकून सई ताम्हणकरनं क्षणाचाही विचार न करता त्याला जोरदार उत्तर दिलं आणि म्हटली, असं असेल तर तुम्ही तुमच्या आईला का नाही पाठवत? हे ऐकून तो माणूस 10 सेकंद गप्प बसला आणि त्यानंतर मीच त्याला म्हटले, आता तुम्हाला कळलं असेल की यापुढे तुम्ही मला कधीही कॉल करायचा नाही आणि सईनं फोन कट केला.यानंतर सईला असा कॉल कधीही पुन्हा नाही आला. तिनं म्हटलं तुम्हाला एखादी गोष्ट चुकीची वाटत असेल, तर त्याच क्षणी तुम्ही आवाज उठवा आणि बोला. नाहीतर पुढे तुम्ही अडचणीत येऊ शकता. सध्या सईच्या या धाडसाचं आणि तिनं स्वतःसाठी घेतलेल्या स्टँडचं सर्वत्र कौतुक होत आहे.