सुकमा, छत्तीसगड: 'बचपन का प्यार' फेम व्हायरल बॉय सहदेव दिरदो याचा बाईकवरुन पडून अपघात झाला आहे. यात त्याच्या डोक्याला गंभीर दुखापत झाली आहे. सध्या त्याला जिल्हा रुग्णालयात दाखल केलं असून त्याच्यावर उपचार सुरु आहेत. सहदेवच्या (Sahdev Dirdo) अपघातानंतर (Accident) बॉलिबुड रॅपर बादशहा (Badshah) याने दुःख व्यक्त करत तो लवकर बरा व्हावा यासाठी प्रार्थना केली आहे, त्याचप्रमाणे छत्तीसगडचे मुख्यमंत्री भुपेश बघेल (Bupesh Baghel) यांनीही त्याला मदत करण्याचं आश्वासन दिलं आहे. (Sahdev Dirdo Road Accident: 'Bachpan Ka Pyaar Fame' Sahdev's Accident; Serious head injury ...)

हे देखील पहा -

एका हिंदी वृत्तवाहिनीच्या माहितीनुसार सहदेव हा आपल्या दोन मित्रांसोबत बाईकवरुन ट्रिपल सीट शबरी नगर येथे जात होता. दरम्यान रस्त्यात एका ठिकाणी वाळू असल्याने बाईक घसरली आणि हा दुर्देवी अपघात (Accident) झाला. या अपघतानंतर त्याला जिल्हा रुग्णालयात नेण्यात आलं. त्याच्या डोक्याला जबर मार लागला असून चार टाकेही पडले आहेत. जवळपास पाच तासांनंतर तो शुद्धीवर आला आहे. आता सहदेवची प्रकृती स्थिर आहे.

कोण आहे सहदेव?

'बचपन का प्यार' फेम सहदेव दिरडो छत्तीसगडच्या सुकमाचा रहिवासी आहे. त्याच्या गाण्यांवर अनेक रील Reels देखील बनवण्यात आल्या आहेत. तो सोशल मीडियावर व्हायरल झाल्यानंतर बॉलिबुड सिंगर बादशाहने त्याच्यासोबत एक व्हिडिओ सॉंग शूट केलं होतं. एवढंच नाही तर खुद्द छत्तीसगडचे मुख्यमंत्री भुपेश बघेल यांनी त्याची भेट घेत त्याचं कौतुक केलं होतं.

Edited By - Akshay Baisane