मराठमोळा बॉलिवुड अभिनेता रितेश देशमुख (ritesh deshmukh) हा पहिल्यांदाच ओटीटी (OTT) प्लॅटफॉर्मवर झळकणार आहे. प्लॅन ए प्लॅन बी (Plan A Plan B Movie) या त्याच्या आगामी रोमँटीक चित्रपटातून तो लोकप्रिय डिजीटल ओटीटी प्लॅटफॉर्म नेटफ्लिक्सवर (Netflix) तो झळकणार आहे. इंस्टाग्रामवर (Instagram) पोस्ट शेयर करत त्याने ही माहिती दिली आहे. त्यामुळे रितेशच्या चाहत्यांसाठी ही एक आनंदाची गोष्ट असणार आहे. (Riteish Deshmukh will be seen on Netflix for the first time in the movie Plan A Plan B.)

हे देखील पहा -

''डिजीटल प्लॅटफॉर्म नेटफ्लिक्सवर एंट्री करत असून यासाठी अतिशय उत्साही आहे'' अशी भावना रितेशने व्यक्त केली आहे. अभिनेत्री तमन्ना भाटियासोबत (Tamanna Bhatia) तो नेटफ्लिक्सवर झळकणार आहे. या चित्रपटाचे दिग्दर्शन शशांका घोष करणार आहेत. कोरोना काळात लॉकडाऊन लावण्यात आले होते. याचा सर्वात मोठा फटका सिनेसृष्टीला बसला होता. कोरोना निर्बंधामुळे थिएटर्स आणि नाट्यगृहे बंद करण्यात आली होती. सध्याच्या घडीला देखील ती बंदच आहेय त्यामुळे अनेक चित्रपट निर्मात्यांचा कल ऑनलाईन ओटीटी प्लॅटफॉर्म्सकडे झुकला आहे.

लॉकडाऊनमुळे नेटफ्लिक्स, अॅमेझॉन प्राईम व्हिडीओ, डिस्नी हॉटस्टार, सोनी लिव्ह, एम एक्स प्लेयर, वुट, झी फाईव्ह अशा अनेक ओटीटी प्लॅटफॉर्म्सवर चित्रपट प्रदर्शित होण्याचे प्रमाण कैक पटींनी वाढले आहे. त्यामुळे रितेशही आता नेटफ्लिक्सवर एंट्री करत असल्याने त्याच्या चाहत्यांसाठी ही पर्वणीच ठरणार आहे.

Edited By - Akshay Baisane