मिस युनिव्हर्स इंडिया 2024 चा (Miss Universe India 2024 ) किताब गुजरातच्या (Gujarat ) रिया सिंघाने पटकवला आहे. स्वतः उर्वशी रौतेलाने आपल्या हाताने तिला हा मुकुट घातला आहे. एकूण 51 स्पर्धकांमधून रियाने हे यश संपादन केले आहे. या स्पर्धेचा ग्रँड फिनाले रविवारी राजस्थानमधील जयपूर येथे पार पडला. तिच्या या विजयाने सर्वत्र तिचे कौतुक होत आहे. भारतासाठी ही खूप मोठी गोष्ट आहे.

रियाने (Rhea Singha) आपल्या यशानंतर मन मोकळ केलं. ती म्हणाली, "आज किताब जिंकल्यानंतर मी खूप खुश आहे. तसेच तुमच्या सर्वांची आभारी देखील आहे. मी या स्तरावर पोहोचण्यासाठी खूप मेहनत घेतली आहे. मला माजी विजेत्यांकडून देखील खूप प्रेरणा मिळाली आहे."

10 वर्षांपूर्वी हा मान बॉलिवूड अभिनेत्री उर्वशी रौतेलाला (Urvashi Rautela) मिळाला होता. तिने 2015 रोजी मिस युनिव्हर्स इंडिया स्पर्धा जिंकली होती. रियाला तिने मुकूट घातला. तसेच

या दरम्यान उर्वशी रौतेला म्हणाली की, "मला याची खात्री आहे की, यंदा मिस युनिव्हर्सचा ताज भारत पुन्हा जिंकेल. सर्व मुली मेहनती आणि सुंदर आहेत." या विजयानंतर आता रिया सिंघा 'इंटरनॅशनल मिस युनिव्हर्स 2024' या स्पर्धेत भारताचं प्रतिनिधित्व करणार आहे. 'मिस युनिव्हर्स इंडिया' स्पर्धेचा दुसरा क्रमांक प्रांजल प्रियाने पटकवला आहे.