83 Movie Trailer: अखेर प्रेक्षकांची प्रतीक्षा संपली आहे, '83' चित्रपटाचा ट्रेलर रिलीज (83 Movie Trailer Release) झाला आहे. या चित्रपटात रणवीर सिंग कपिल देव यांची भूमिका साकारताना दिसत आहे. त्याचवेळी दीपिका पदुकोण (Deepika Padukon) त्याच्या पत्नीची भूमिका साकारणार आहे. कोरोना (Corona) व्हायरसमुळे चित्रपटाचे प्रदर्शन पुढे ढकलण्यात आले होते. आता हा चित्रपट ख्रिसमसच्या मुहूर्तावर प्रदर्शित होणार आहे. 3 मिनिट 49 सेकंदाचा हा ट्रेलर आहे. दिग्दर्शक कबीर सिंग हे आपल्याला 1983 च्या काळात परत घेऊन जातात, ज्यावेळेस भारताने पहिला विश्वचषक (World Cup) जिंकला होता.

हे देखील पहा-

कपिल देवच्या रुपात दिसला रणवीर सिंग;
बॉलिवूड अभिनेता रणवीर सिंग, कपिल देव यांच्या लूकमध्ये दिसत आहे. रणवीरचा हा लूक थक्क करणारा आहे. रणवीर कपिल देवसारखा दिसून येत आहे. ट्रेलर तुम्हाला भारताच्या प्रवासात घेऊन जाणारा आहे. या प्रवासात तुम्हाला संघर्ष, विजय आणि पराभवही पाहायला मिळणार आहे. दीपिका पदुकोण देखील ट्रेलरमध्ये दिसत आहे, ज्यामध्ये ती एका परफेक्ट सपोर्टिव्ह पत्नीच्या भूमिकेत दिसून येत आहे.

सोशल मीडियावर Social Media ट्रेलर शेअर करताना रणवीर सिंगने कॅप्शनमध्ये लिहिले की, "अंडरडॉग्सची खरी कहाणी ज्याची तुम्ही कल्पनाही करू शकणार नाही. 83 चा ट्रेलर हिंदीमध्ये रिलीज झाला आहे. तो 24 डिसेंबरला थिएटरमध्ये रिलीज होत आहे. हा चित्रपट हिंदीमध्ये, तामिळ, तेलुगू, मल्याळम आणि कन्नड भाषांमध्ये रिलीज होईल. यासोबतच तो 3D मध्येही रिलीज होईल.

चित्रपटाच्या स्टारकास्टबद्दल बोलायचे झाले तर त्यात ताहिर राज भसीन, जीवा, साकिब सलीम, जतीन सरना, चिराग पाटील, दिनकर शर्मा, पंकज त्रिपाठी, हार्डी संधू, निशांत धाहिया, एमी विर्क, साहिल खट्टर, आदिनाथ कोठारे, धैर्य करवा, आर.बद्री आणि दीपिका पदुकोण दिसणार आहेत. या चित्रपटात दीपिका कपिल देव यांच्या पत्नी रोमीची भूमिका साकारताना दिसणार आहे.

Edited By-Sanika Gade