Ramayana Teaser: रणबीर कपूरच्या आगामी रामायण या बहुप्रतिक्षित चित्रपटाचा टीझर प्रदर्शित होताच सोशल मीडियावर त्याची जोरदार चर्चा सुरू झाली आहे. दिग्दर्शक Nitesh Tiwariआणि निर्माती नमित मल्होत्रा यांच्या या चित्रपटाच्या पहिल्याच झलकमध्ये प्रेक्षकांची मने जिंकली आहेत. हिंदू महाकाव्यावर आधारित असलेल्या या चित्रपटाची भव्यता आणि सादरीकरण प्रेक्षकांना अक्षरशः थक्क करून टाकणारे आहे.

रामायणच्या सुमारे २ मिनिटे ३८ सेकंदांच्या या टीझरमध्ये प्रभू राम, सीता आणि लक्ष्मण यांच्या वनवासापासून ते रावणाची झलक दाखवण्यात आली आहे. साई पल्लवी (सीता) आणि रवी दुबे (लक्ष्मण) यांच्यासोबत रणबीर कपूरची केमिस्ट्री विशेष लक्ष वेधून घेते. या टिझरचे प्रत्येक सीन मनाला भिडणारे असून चाहते आणि नेटकरी टिझर कसा वाटला हे सांगत आहेत.

हा टीझर पाहताच, प्रेक्षकांनी त्यावर प्रेमाचा वर्षाव केला. हा टीझर पाहिल्यानंतर, प्रेक्षकांनी लगेचच याची तुलना आदिपुरुष (Adipurush) या चित्रपटाशी करण्यास सुरुवात केली. एका नेटकऱ्याने लिहीले, 'आदिपुरुष टीझरमधील सर्वात वाईट भाग कोणता? रावणाचे वटवाघळावर स्वार होणे. पण रामायणम टीझरमधील सर्वात उत्तम भाग कोणता? तर ते 'पुष्पक विमान'.' दुसऱ्या एका चाहत्याने प्रतिक्रिया दिली, 'टीझरमध्ये १:५० मिनिटांला प्रभू श्रीराम ज्या प्रकारे ते मागे वळून पाहतात तो सीन खरोखरच हृदयस्पर्शी आहे.' आणखी एका नेटकऱ्याने लिहीले, "मला हा टीझर पुन्हा पुन्हा पाहावासा वाटत आहेत.

दुसऱ्या एका चाहत्याने लिहिले, आदिपुरुषने जो गोंधळ केला तसा करु नका." आणखी एकाने लिहीले, टीव्ही सिरियल सारखी VFX असल्यासारखे का वाटतयं? एका नेटकऱ्याने लिहीले, रामाचे एक्सप्रेशन कुठे आहेत पण... प्लिज या चित्रपटात माती करु नका. आणखी एकाने लिहीले, टिझर चांगला आहे पण, ट्रेलरमध्ये काय असणार हे मला बघायचं आहे. आता येत्या काळात या चित्रपटाचा ट्रेलर कसा असेल यावर प्रेक्षकांचं लक्ष आहे.