Ranbir Kapoor Animal Movie Look: बॉलिवूड अभिनेता रणबीर कपूर सध्या त्याच्या आगामी 'अॅनिमल' चित्रपटाच्या शूटिंगमध्ये व्यस्त आहे. रणबीर मुलीच्या जन्मानंतर आता कामावर परतला आहे. 'अ‍ॅनिमल' चित्रपटाच्या सेटवरील रणबीर कपूरचे अनेक फोटो समोर आले आहेत. पण या व्हायरल फोटोंमध्ये त्याचा पूर्ण लूक दिसला नव्हता. आता समोर येत असलेल्या फोटोंमध्ये अभिनेत्याचा लूक समोर आला आहे. या फोटोंमध्ये रणबीर रक्ताने माखलेला दिसत आहे.

व्हायरल झालेल्या फोटोंमध्ये रणबीर अतिशय रफ लूकमध्ये दिसत आहे. तो पांढरा कुर्ता, लांब केस घातलेला दिसत आहे. फोटो पाहता, अभिनेत्याचा हा लूक एखाद्या अॅक्शन सीनच्या शूटिंगनंतरचा असावा असा अंदाज वर्तवला जात आहे. कारण अभिनेत्याच्या चेहऱ्यावर आणि कपड्यांवर रक्ताचे डाग दिसत आहेत. (Viral Photo)

रणबीर कपूरचा अॅनिमल हा चित्रपट क्राईम थ्रिलर ड्रामा आहे. या चित्रपटात रणबीर एका गँगस्टरची भूमिका साकारत आहे. जो आपल्याच कौटुंबिक समस्यांमध्ये जबरदस्त अडकला आहे. या चित्रपटासाठी रणबीरनेही जबरदस्त ट्रान्सफॉर्मेशन केले आहे. चित्रपटाचे चित्रीकरण सैफ अली खानच्या रॉयल पतौडी पॅलेसमध्ये होत आहे. रणबीरपूर्वी अनिल कपूरचा चित्रपटाच्या सेटवरील लूकही समोर आला होता. (Ranbir Kapoor)

चित्रपटाची निर्मिती टी-सीरीजचे भूषण कुमार-कृष्ण कुमार, प्रणय रेड्डी वंगा यांच्या भद्रकाली पिक्चर्स आणि मुराद खेतानी यांच्या सिने1 स्टुडिओजनी केली आहे. हा चित्रपट 11 ऑगस्ट 2023 रोजी स्वातंत्र्यदिनाच्या मुहूर्तावर चित्रपटगृहांमध्ये प्रदर्शित होणार असल्याचे बोलले जात आहे.

चित्रपटात निर्माता संदीप रेड्डी वंगा पहिल्यांदाच रणबीर कपूर आणि कबीर सिंगसोबत काम करणार आहेत. संदीप रेड्डी वंगा यांच्या चित्रपटात रणबीर कपूर एका नकारात्मक भूमिकेत दिसणार आहे.