HC Withdraw Case Against Mika Singh  Saam Tv
मनोरंजन बातम्या

HC Withdraw Case Against Mika Singh: ‘या’ प्रकरणात मिक सिंगला तब्बल १४ वर्षानंतर दिलासा, विनयभंगाचा गुन्हा रद्द

HC Withdraw Molestation Case Against Mika Singh: बॉलिवूडचा प्रसिद्ध गायक मिका सिंगला मुंबई हायकोर्टाकडून एका जुन्या प्रकरणात दिलासा मिळाला आहे.

Chetan Bodke

Bombay HC Withdraw 2006 Case Against Mika Singh: बॉलिवूडचा प्रसिद्ध गायक मिका सिंगला मुंबई हायकोर्टाकडून दिलासा मिळाला आहे. १७ वर्षे जुन्या बळजबरीने किस केल्याप्रकरणात त्याला हा दिलासा मिळाला आहे. २००६ मध्ये अभिनेत्री राखी सावंतने मिका सिंगविरोधात बळजबरीने किस केल्याचा आरोप केला होता. या प्रकरणी तिने मुंबई हाय कोर्टात धाव घेतली होती. या प्रकरणात मिका सिंगविरोधात विनयभंगाचा गुन्हा दाखल करण्यात आला होता. याच प्रकरणात हायकोर्टाने गुरुवारी मिका सिंगला दिलासा देत हा गुन्हा रद्द केला आहे.

वाढदिवसानिमित्त आयोजित केलेल्या पार्टीमध्ये मिका सिंगने गैरवर्तन करत किस केल्याचा आरोप राखी सावंतने केला होता. राखी सावंतने याप्ररणी मिका सिंगविरोधात तक्रार दाखल केली होती. त्यानंतर ११ जून २००६ मध्ये ओशिवरा पोलिसांनी मिका सिंगविरोधात गुन्हा दाखल केला होता. आता याच प्रकरणात मिका सिंगला तब्बल १७ वर्षांनंतर दिलासा मिळाला आहे. कारण कोर्टाने त्याच्याविरोधातील हा गुन्हा रद्द केला आहे.

याप्रकरणी मिकाविरोधात दाखल करण्यात आलेला गुन्हा आणि आरोपपत्र दोन्हीही राखी सावंतच्या संमतीने रद्द करण्यात आले आहे. मिका सिंगसोबत त्याचा जुना सहकारी विक्की सिंग यानेही राखी सावंतच्या संमतीने मुंबई हायकोर्टाकडे हे प्रकरण संपवण्याची मागणी केली होती. राखीने कोर्टात सादर केलेल्या प्रतिज्ञापत्रात असे म्हटले की, 'मी आणि मिका सिंगने चर्चा करून हा प्रश्न सोडवला आहे.'

हे प्रकरण असे आहे की, मिका सिंगने मुंबईतील एका पॉश रेस्टॉरंटमध्ये वाढदिवसानिमित्त पार्टी ठेवली होती. या पार्टीमध्ये त्याने राखी सावंतला बोलावले होते. पार्टीदरम्यान मिकाने किस केल्याचा आरोप राखी सावंतने केला होता. यानंतर संतप्त राखीने ओशिवरा पोलीस ठाण्यात धावे घेत तक्रार दाखल केली होती. त्यानंतर पोलिसांनी मिकाविरोधात भादवि कलम ३५४ (विनयभंग) आणि ३२३ (प्राणघातक हल्ला) अंतर्गत गुन्हा दाखल केला होता. या जुन्या प्रकरणातील गुन्हा आणि आरोपपत्र रद्द करण्याची विनंती करत मिकाने यावर्षी एप्रिलमध्ये हायकोर्टात धाव घेतली होती.

मिकाने कोर्टात दाखल केलेल्या याचिकेत हे स्पष्ट केले, 'या घटनेला बराच काळ लोटला असून राखी आणि आपल्यात आता मैत्रीचे संबंध आहे.' त्यानंतर आता राखीने कोर्टात प्रतिज्ञापत्र दाखल करत हा गुन्हा मागे घेण्याची विनंती केली होती. राखीने दाखल केलेल्या प्रतिज्ञापत्रावर कारवाई करत न्यायमूर्ती ए. एस. गडकरी आणि न्यायमूर्ती एस. जी. डिगे यांच्या खंडपीठाने मिका सिंग विरोधातील गुन्हा आणि आरोपपत्र रद्द केले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Central Railway : मध्य रेल्वेचा खोळंबा, वांगणीजवळ मालगाडी बंद पडल्याने चाकरमानी अडकले |VIDEO

Shocking : भाच्यानं केली मामाची हत्या, कल्याणमध्ये खळबळ, धक्कदायक कारण समोर

Paresh Rawal: 'आम्ही सुपर सेन्सॉर बोर्ड नाही...'; परेश रावल यांच्या चित्रपट प्रदर्शनाला स्थगिती देण्यास हाय कोर्टचा नकार

Maharashtra Politics: BMC तील मलिदा खाण्यासाठी ठाकरे बंधू एकत्र, शिंदेंच्या मंत्र्याचा खोचक टोला

Tulsi Vivah 2025: तुळशी विवाहच्या दिवशी काय करावे आणि काय करू नये? जाणून घ्या

SCROLL FOR NEXT