Parineeti Chopra Birthday: अभिनेत्री परिणीती चोप्रा हिचा आज वाढदिवस असून, तिच्या पती आणि आम आदमी पक्षाचे खासदार राघव चड्ढा यांनी सोशल मीडियावर अतिशय खास अंदाजात शुभेच्छा दिल्या आहेत. राघव यांनी आपल्या पत्नीचा बेबी बंप दिसणारा सुंदर फोटो अल्बम शेअर केला असून, त्यात दोघांच्या आयुष्यातील नव्या पर्वाचा आनंद शेअर केला आहे.

राघव यांनी इंस्टाग्रामवर काही फोटोज पोस्ट केले आहेत, यामध्ये परिणीती पांढऱ्या रंगाच्या आऊटफिटमध्ये दिसत आहे आणि तिच्या चेहऱ्यावर आनंद झळकत आहे. त्या फोटोंमध्ये राघव तिच्या बेबी बंपवर हात ठेवताना आणि तिच्या कपाळावर किस करताना दिसत आहेत. या पोस्टमध्ये राघव यांनी लिहिले आहे, " नवीन आणि सर्वात बेस्ट आईला वाढदिवसाच्या शुभेच्छा! किती अविश्वसनीय प्रवास होता - गर्लफ्रेंड ते पत्नी आणि आमच्या लहान मुलाची आई."

या प्रेमळ शुभेच्छांवर चाहत्यांनी आणि सेलिब्रिटी मित्रांनी भरभरून प्रतिसाद दिला आहे. अनेकांनी या कपलचे कौतुक करत त्यांना शुभेच्छा दिल्या आहेत. काहींनी लिहिलं, “तुम्ही दोघी एकत्र सुंदर दिसता.” तर काहींनी म्हटलं, “परफेक्ट कपल”

राघव आणि परिणीती यांचा विवाह सप्टेंबर २०२३ मध्ये उदयपूर येथे पारंपरिक पद्धतीने झाला होता. लग्नानंतर काही महिन्यांपूर्वीच या जोडप्याने आपल्या पहिल्या अपत्याच्या आगमनाची बातमी जाहीर केली होती. परिणीतीने दिवाळीच्या पहिल्या दिवशी एका गोड बाळाला जन्म दिला.