Prasad Oak New Look In Parinirvan Out : प्रसाद ओक अभिनेता, निर्माता, दिग्दर्शन अशा सगळ्याच क्षेत्रात यशस्वीरीत्या काम करत आहे. नाटक, मालिका, चित्रपट असा प्रसाद ओकचा प्रवास होता. प्रसाद नेहमीच अभिनयाने सर्वांची मने जिंकत असतो.

प्रसाद ओक 'महाराष्ट्राची हास्यजत्रा' या विनोदी मालिकेतून आपल्या भेटीला येत असतो. नुकतीच एक पोस्ट करून प्रसादने त्याच्या नव्या भूमिकेविषयी सांगितले आहे.

प्रसाद ओकने त्याच्या इंस्टाग्रामवर एक व्हिडीओ शेअर केला आहे. प्रसाद ओक 'परिनिर्वाण' या चित्रपटातून प्रेक्षकांच्या भेटीला येणार आहे. भारतरत्न डॉ. बाबासाहेब आंबेडकर यांच्यावर आधारित या चित्रपटामध्ये प्रसाद ओक मुख्य भूमिकेत असणारा आहे.

या चित्रपटाच्या चित्रीकरणाला सुरुवात झाली आहे. प्रसादने इंस्टाग्रामवर व्हिडीओ शेअर करत उपडेट शेअर केली आहे. प्रसादने या व्हिडीओतुन त्याचा पहिला लूक शेअर केला आहे.

या पोस्टसह प्रसाद ओकने लिहिले आहे की, #परिनिर्वाण वंदनीय बाबासाहेब आंबेडकरांच्या स्मृतीस अभिवादन करुन “परिनिर्वाण” ची तयारी सुरु झालेली आहे… मोठ्ठया जबाबदारीची जाणीव झालेली आहे… महामानवाचा आशीर्वाद पाठीशी आहेच… तुमच्या शुभेच्छांची आणि प्रेमाची गरज आहे…!!!

प्रसाद ओक आगामी चित्रपट 'वडापाव' लवकरच प्रदर्शित होणार आहे. लंडनमध्ये या चित्रपटाचे चित्रीकरण सुरू आहे. या चित्रपटामध्ये प्रसाद ओकसह, गौरी नलावडे, अभिनय बेर्डे, रितिका श्रोत्री, रसिक वेंगुर्लेकर, सिद्धार्थ साळवी, शाल्व किंजवडेकर, सविता प्रभुणे हे कलाकार मुख्य भूमिकेत दिसणार आहेत.