मनोरंजनविश्वातली आघाडीची अभिनेत्री प्राजक्ता माळीचा आज वाढदिवस आहे. वाढदिवसानिमित्त प्राजक्ता माळीने भीमा शंकर ज्योतिर्लिंगाचे दर्शन घेतले. सोशल मीडियावर याचदरम्यानचे फोटो देखील तिने शेअर केले आहेत. प्राजक्ता माळीने कुटुंबासोबत भीमा शंकर ज्योतिर्लिंगाचे दर्शन घेतले आहे.

भीमा शंकर ज्योतिर्लिंगाच्या दर्शनाचे फोटो शेअर करत प्राजक्ताने कॅप्शनमध्ये, 'भीमा शंकर ज्योतिर्लिंग- पुणे- महाराष्ट्र, आज वाढदिवसाचं औचित्य साधून, भीमा नदीच्या काठी, निसर्गरम्य ठिकाणी वसलेल्या “भीमाशंकर ज्योतिर्लिंगाचे” सहकुटुंब दर्शन घेऊन १२ ज्योतिर्लिंग यात्रा पुर्ण केली.' असं म्हटलं आहे.

अभिनेत्री प्राजक्ता माळीचा देवावर प्रचंड विश्वास आहे. नेहमीच प्राजक्ता माळी देव दर्शनला जात असते. प्राजक्ता माळीने १२ ज्योतिर्लिंगाचे दर्शन घेतले आहे. सोशल मीडियावर प्राजक्ताने शेअर केलेल्या पोस्टवर तिच्यासोबत तिची आई आणि कुटुंबातील मंडळी दिसत आहे. मंदिराच्या गाभाऱ्यातील कुटुंबासह प्राजक्ताने फोटो क्लिक केले आहेत. सोशल मीडियावर प्राजक्ताच्या फोटोंवर नेटकऱ्यांकडून वाढदिवसानिमित्त अभिनंदनाचा वर्षाव होत आहे.