मुंबई: कतरिना कैफ बॉलिवूडमधील आघाडीच्या अभिनेत्रींनपैकी एक आहे. कतरिना तिच्या चित्रपट, लग्न आणि सोशल मीडियामुळे नेहमीच चर्चेत असते. लवकरच कतरिनाचा हॉरर-कॉमेडी चित्रपट 'फोन भूत' प्रदर्शित होणार आहे. सध्या कतरिना त्याच्याच प्रोमोशनमध्ये व्यस्त आहे. एका प्रमोशनल इव्हेंट दरम्यान तिने सांगितले की, तिला दाक्षिणात्य चित्रपटांमध्ये काम करायला आवडेल.

कतरिनाने यापूर्वीही दाक्षिणात्य चित्रपटांमध्ये काम केले आहे. 2004 साली प्रदर्शित झालेला तेलगु चित्रपट 'मल्लीस्वरी'मध्ये तिने मुख्य भूमिका साकारली होती. 'अल्लारी पिदुगू' या 2005 साली प्रदर्शित झालेल्या चित्रपटात कतरीना नंदामुरी बालक्रिष्ण यांच्यासह दिसली होती. कतरिनाने मल्याळम चित्रपट 'बलराम वर्सेस थरदास'मध्ये सुद्धा काम केले आहे.

एका वृत्तपत्राला दिलेल्या मुलाखतीत कतरिनाने तिला भविष्यात काय करायचे यावर स्पष्टीकरण दिले आहे. दाक्षिणात्य चित्रपटांकडे तिचा कल आहे आणि याबद्दल तिने सांगितले की, "जर एखादी स्क्रिप्ट खूप इंटरेस्टिंग असेल आणि ते पात्र उत्तम असेल, तर भाषा माझ्यासाठी अडथळा ठरणार नाही. दाक्षिणात्य चित्रपट सृष्टीत अप्रतिम दिग्दर्शक काम करत आहेत." (Katrina Kaif)

"सर्वोत्तम आणि अगदी अलीकडचे उदाहरण म्हणजे मणिरत्नम सरांचा 'पोनियिन सेल्वन: 1'. इतका अप्रतिम चित्रपट, इतका भव्य, सुंदर फ्रेम्स आणि संगीत. त्यांच्या आयुष्यातील या टप्प्यावर एवढा मोठा चित्रपट बनवणे, हे एका प्रतिष्ठित दिग्दर्शकाची क्षमता सिद्ध करते." कतरिनाने,मणिरत्नम आणि त्याच्या नुकत्याच प्रदर्शित झालेल्या 'पोनियिन सेल्वन: 1' ची भरभरून प्रशंसा केली. (Movie)

'फोन भूत' हा कतरिनाचा विक्की कौशलशी लग्न केल्यानंतरचा पहिला चित्रपट आहे. या चित्रपटात सिद्धांत चतुर्वेदी आणि ईशान खट्टर यांच्याही भूमिका आहेत. एक्सेल एंटरटेनमेंट निर्मित हा चित्रपट 4 नोव्हेंबर 2022 रोजी सिनेमागृहात दाखल होणार आहे. (Bollywood)