सध्या प्राजक्ता माळी (Prajakta Mali) तिच्या 'फुलवंती' ( Phullwanti Success Party) चित्रपटामुळे चांगलीच चर्चेत आहे. प्राजक्ताच्या 'फुलवंती' चित्रपटाने महाराष्ट्रात धुमाकूळ घातला. तसेच या चित्रपटामुळे प्राजक्तालाही खूप प्रसिद्धी मिळाली.

'फुलवंती' हा चित्रपट बाबासाहेब पुरंदरे यांच्या कादंबरीवर आधारित आहे. 'फुलवंती' चित्रपटाच्या माध्यमातून अभिनेत्री प्राजक्ताने निर्मिती क्षेत्रात पदार्पण केले. 'फुलवंती' चित्रपटाला जगभरात खूप चांगली प्रतिसाद मिळाला. तसेच चित्रपटाने छप्परफाड कमाई देखील केली. यामुळे 'फुलवंती'च्या यशाची सक्सेस पार्टी नुकतीच पार पडली. या पार्टीला अनेक कलाकारांनी हजेरी लावली.

फुलवंती अन् चंद्राची जुगलबंदी

'फुलवंती'च्या सक्सेस पार्टीमध्ये 'चंद्रा' म्हणजे अमृता खानविलकरने चार चाँद लावले. प्राजक्ता माळी आणि अमृता खानविलकरने (Amruta Khanvilkar) 'मदनमंजिरी' (Madanmanjiri Song) गाण्यावर सुंदर डान्स केला. चाहत्यांना फुलंवती आणि चंद्राची जुगलबंदी पाहायला मिळाली. वैशाली माडे हीने पार्टीमध्ये 'मदनमंजिरी' हे सुरेल गाणे गायले. तिच्या गाण्याने सर्वांनाच भारावून टाकले.

'फुलवंती' चित्रपटातील 'मदनमंजिरी' हे गाणे प्रेक्षकांच्या चांगलेच पसंतीस उतरले. या गाण्याची सोशल मीडियावर आजही हवा पाहायला मिळत आहे. 'फुलवंती' चित्रपटात प्राजक्ता माळीने आपल्या नृत्याने चाहत्यांना वेड लावले आहे.'फुलवंती'चित्रपटात प्राजक्ता माळी नर्तिकाच्या भूमिकेत दिसली आहे. तिच्या सोबत मुख्य भूमिकेत अभिनेता गश्मीर महाजनी (Gashmeer Mahajani) आहे.

प्राजक्ता माळीचा सोशल मीडियावर मोठा चाहता वर्ग आहे. तिचे इंस्टाग्रामवर 2.2 मिलियन फॉलोवर्स आहे. ती इंस्टाग्रामवर तिच्या प्रोजेक्टबद्दल चाहत्यांना अपडेट देते. तसेच आपले विविध फोटो शेअर करत राहते. तिचे सुरेख फोटो पाहून चाहते घायाळ होतात.