Shahrukh Khan News : शाहरुख खान (Shahrukh Khan) सध्या प्रचंड चर्चेत आहे. गेल्या काही काळात त्याने मुख्य भूमिका असलेल्या चित्रपटात काम केलेले नाही. परंतु येणाऱ्या वर्षात त्याचे ३ चित्रपट चाहत्यांच्या भेटीला येणार आहेत. शाहरुखच्या त्या चित्रपटाची नावेही चाहत्यांच्या समोर आली आहेत. 'पठाण', 'जवान' आणि 'डंकी' या चित्रपटात तो मुख्य भूमिकेत दिसणार आहे. या तिन्ही चित्रपटांबद्दल बरीच चर्चा सुरु आहे आणि चाहते त्याच्या चित्रपटांची उत्सुकतेने वाट पाहत आहेत.

शाहरुख खानचा पठाण (Pathan)या चित्रपटातील लूक प्रेक्षकांसमोर आला आहे. शाहरुख खानने त्याच्या याच लूकमधील एक फोटो सोशल मीडियावर शेअर केला आहे. फोटो शेअर करत त्याने "मी देखील 'पठाण'ची वाट बघतोय" असं म्हटले आहे. या फोटोमध्ये तो शर्टलेस असून त्याचे सिक्स पॅक दाखवत आहे. या फोटोतून हे लक्षात येते की त्याने ह्या भूमिकेसाठी चांगली मेहनत घेतलेली आहे. त्याच्या या फोटोवर लाईक्स आणि कमेंटचा वर्षाव होत आहे. फोटो (Photo) शेअर करताना त्याने अमिताभ बच्चन यांच्या 'सिलसिला' चित्रपटातील कविताही शर्टला उद्देशून कॅप्शनमध्ये लिहिलं आहे.

'पठाण'या चित्रपटात शाहरुख खान स्पायची भूमिका साकारणार आहे. गुप्तहेर आणि दहशतवादी यावर हा चित्रपट आधारित आहे. या चित्रपटाची निर्मिती यशराज फिल्म्सने (Movies)केलेली असून सिद्धार्थ आनंद यांनी हा चित्रपट दिग्दर्शित केला आहे. शाहरुखसह या चित्रपटात जॉन अब्राहम,दीपिका पदूकोण हे देखील महत्त्वाच्या भूमिका साकारताना दिसणार आहेत. जानेवारी २०२३ साली हा चित्रपट प्रदर्शित होणार आहे.