Viral Video Of Shah Rukh Khan: शाहरुख खानच्या 'पठान' चित्रपटाने भारतासह जगभरात धुमाकूळ घातला आहे. ४ वर्षांनी आलेला शाहरुखचा आहे चित्रपट त्याच्या चाहत्यांसाठी पर्वणीच ठरला आहे. 'पठान' ३०० कोटींचा टप्पा पार केला आहे. शाहरुखच्या 'पठान'ची चर्चा आता फ्रेंच न्यूज चॅनेलवर सुद्धा चर्चा होत आहे. या न्यूज चॅनेलने शाहरुखला 'मॅन ऑफ द डे' सुद्धा म्हटलं आहे.

शाहरुख खानच्या फॅन पेजने एक व्हिडिओ शेअर केला आहे. या व्हिडिओ फ्रांसच्या एका प्रसिद्ध चॅनलवरील ली 1245 या कार्यक्रमातील आहे. या व्हिडिओमध्ये अँकर शाहरुखच्या स्टारडमचे गुणगान गात आहे. तसेच ग्लोबल सुपरस्टार म्हणत शाहरुखला 'मॅन ऑफ द डे' उपाधी दिली आहे. व्हिडिओमध्ये तुम्ही पाहू शकता की लोक कसे शाहरूखच्या 'पठान'चे कौतुक करत आहेत. तसेच ते शाहरुखचे किती मोठे फॅन आहेत हे सांगत आहेत.

किंग खानच्या चाहत्यांची संख्या जगभरात आहे, याचा या व्हिडिओवरून स्पष्टपणे अंदाज लावता येतो. ३० वर्षांच्या चित्रपटसृष्टीतील करिअरमध्ये शाहरुख खानने आपल्या दमदार अभिनयाने अनेकांची मने जिंकली आहेत. शाहरुख खानचे नाव जगातील टॉप 5 श्रीमंत अभिनेत्यांच्या यादीत समाविष्ट आहे.

भारतात बक्कळ कमाई करणाऱ्या 'पठान' या चित्रपटाला परदेशात सुद्धा यश मिळाले आहे. ट्रेड विश्लेषक तरण आदर्श यांच्या मते, शाहरुख खानच्या 'पठान'ने प्रदर्शनाच्या पहिल्याच दिवशी परदेशात 36 कोटींची बंपर ओपनिंग केली आहे. यावरून किंगचे आकर्षण जगभरात आहे हे कळून येते.