Pathaan Trailer Release Tomorrow: शाहरुख- दीपिका प्रमुख भूमिकेत असलेला 'पठान' चित्रपट गेल्या काही दिवसांपासून बराच चर्चेत आहे. चित्रपटातील दीपिकाच्या बिकिनीवरुन हा चित्रपट बराच वादाच्या भोवऱ्यात सापडला होता. गेल्या अनेक दिवसांपासून चित्रपटाचा ट्रेलर कधी प्रदर्शिच होणार हा प्रश्न अनेकदा चाहत्यांनी विचारला होता. अखेर चाहत्यांना त्याचे उत्तर मिळाले आहे.

'पठान' चित्रपटाचा ट्रेलर उद्या सकाळी ११ वाजता सोशल मीडियावर प्रदर्शित होणार असल्याची घोषणा शाहरुखने सोशल मीडियावर केली आहे. अखेर चित्रपटाचा ट्रेलर उद्या प्रदर्शित होणार असून सर्वांनाच चित्रपटाबद्दल कमालीची उत्सुकता वाढली आहे.

चित्रपटाचा ट्रेलर प्रदर्शित होण्यापुर्वीच परदेशात चित्रपटाने कोट्यावधींची कमाई केली आहे. काही देशांमध्ये चित्रपटाचे जवळपास फेब्रुवारीच्या आसपास तिकीट बुक झाले आहेत. त्यामुळे आता चित्रपटाचा ट्रेलर प्रदर्शित झाल्यानंतर आणखी किती कमाई करणार हे पाहणे औत्सुक्याचे ठरणार आहे. भारतात चित्रपटाची प्री- बुकिंग १४ जानेवारीपासून सुरु होणार असल्याची सध्या चर्चा होत आहे.

'पठान' चित्रपटातील दीपिकाच्या बिकिनीवादावरुन सर्वत्र चित्रपटावर टीका- टीप्पणी केली जात होती. चित्रपटातील काही भागही सेन्सॉर बोर्डने कट करण्याचेही सांगितले असल्याचे बोलले जात आहे.