Shah Rukh Khan: शाहरुख खान स्टारर 'पठान' हा चित्रपट बॉक्स ऑफिसवर चांगलाच धुमाकूळ घालत आहे. या चित्रपटाने पहिल्याच दिवशी रेकॉर्डब्रेक कमाई करत जगभरात १०० कोटींचा टप्पा पार केला होता. सुमारे २५० कोटींच्या बजेटमध्ये निर्मित झालेल्या या चित्रपटाबाबत चर्चा होत होती की, हा चित्रपट २०० कोटी सहज पार करेल. पण नेमकं असंच सध्या या चित्रपटाबाबत घडलं आहे.

या चित्रपटाला देशातूनच नाही तर परदेशातूनही भरभरून प्रेम मिळत आहे. बॉक्स ऑफिसवर हा चित्रपट धुमाकूळ घालत असताना, शाहरुख खानचा एक जुना व्हिडिओ व्हायरल होत आहे ज्यामध्ये तो त्याच्या आईने दिलेले ५००० रुपये हरवल्याबद्दल बोलताना दिसत आहे.

या व्हिडिओत शाहरुख खान म्हणतो, 'आम्ही ख्वाजा गरीब नवाज यांच्यावर चादर चढवत होतो. आईने मला सुरक्षित ठेवण्यासाठी पाच हजार रुपये दिले. ते पैसे माझ्याकडून हरवले होते. मी त्या ठिकाणी शोधायला गेलो तर तिथे एक फकीर बसला होता, त्याने मला विचारले की, तुझे काही हरवले का? तर मी म्हणालो, हो. तो फकिर म्हणाला, तुझे पाच हजार रुपये हरवले का?

शाहरुख खान पुढे म्हणतो, 'मला माहित नव्हतं की त्यांना कसं काय माहित. तो फकिर शाहरुखला म्हणतो, जो इकडे आलाय, रेटमधून रिकाम्या हाताने जाणार नाही, ५ हजार रुपये गमावले असले तरी ही तू ५०० कोटी कमावणार. शाहरुख खानचा हा थ्रोबॅक व्हिडिओ सध्या सोशल मीडियावर प्रचंड व्हायरल होत आहे. माशाअल्लाह आणि जय श्री राम असे लिहून युजर्स शाहरुखवर कौतुकाचा वर्षाव करत आहे.

शाहरुख खानच्या 'पठान'मध्ये त्याच्यासोबत दीपिका पदुकोण, जॉन अब्राहम हे देखील मुख्य भूमिकेत आहेत. डिंपल कपाडिया, आशुतोष राणा यांसारखे स्टार्सही चित्रपटात महत्त्वाच्या भूमिकेत आहेत. या चित्रपटाने बॉक्स ऑफिसवर चांगली कमाई केली असून दोन दिवसांत चित्रपटाने जगभरात ३०० कोटींचा टप्पा पार केला आहे.

सोबतच शाहरुख राजकुमार हिरानीच्या 'डंकी' चित्रपटात दिसणार असून त्याच्यासोबत तापसी पन्नूही मुख्य भूमिकेत दिसणार आहे. 22 डिसेंबर २०२३ला ख्रिसमसच्या मुहूर्तावर हा चित्रपट प्रदर्शित होणार आहे. इतकेच नाही तर शाहरुखकडे दिग्दर्शक एटली यांचा 'जवान' हा चित्रपटही आहे, जो या वर्षी 2 जूनला प्रदर्शित होणार आहे.