सध्या सर्वत्र स्मृती मानधना आणि पलाश मुच्छल यांच्या लग्नाची चर्चा पाहायला मिळत आहे. रोज एक नवा खुलासा होत आहे. स्मृती मानधनाच्या वडीलांना हार्ट अटॅक आल्यामुळे स्मृती मानधना आणि पलाश मुच्छल यांचे लग्न पुढे ढकलण्यात आले. स्मृती आणि पलाश तब्बल 6 वर्ष एकमेकांना डेट करत होते. स्मृतीच्या वडीलांना तपासणीसाठी हॉस्पिटलमध्ये दाखल केल्यावर काही वेळाने पलाशची तब्येत देखी बिघडली आणि त्याला रुग्णालयात दाखल करण्यात आले. त्यानंतर स्मृतीने लग्नाचे संबंधित सर्व फोटो, पोस्ट सोशल मीडियावरून हटवल्या.

अशात आता नवीन अपडेट समोर आली आहे की, पलाश मुच्छल स्मृती मानधनाला धोका देत आहे. सोशल मीडियावर पलाशसोबत एका महिलेचे फ्लर्टी चॅट्स तुफान व्हायरल होत आहेत. हे स्क्रीनशॉट खरे की खोटे याबाबत अजून अधिकृत माहिती समोर आलेली नाही. तसेच आता पलाश मुच्छलची तब्येत आणखी बिघडल्याची माहिती समोर आली आहे. पलाशला मुंबईतील हॉस्पिटलमध्ये दाखल करण्यात आले आहे. आधी पलाशला सांगलीतील हॉस्पिटलमध्ये दाखल करण्यात आले होते. त्यानंतर तो घरी आणि मुंबईला रवाना झाला. पण मुंबईत आल्यावर त्याची तब्येत आणखी बिघडली आणि त्याला पुन्हा रुग्णालयात दाखल केले.

मीडिया रिपोर्टनुसार, सांगलीला असताना पलाश मुच्छलला व्हायरल इन्फेक्शन आणि ॲसिडिटी झाली होती. पलाशचा इसीजी काढण्यात आला. त्याला काही तास डॉक्टरांच्या निगराणीखाली ठेवले आणि रुग्णालयातून सोडले. त्यानंतर मुंबईतील SRV हॉस्पिटलमध्ये त्याला दाखल केले. तेव्हा पलाश मुच्छलची बहीण पलकचा एक व्हिडीओ समोर आला आहे. ज्यात पलक भावाला भेटण्यासाठी रुग्णालयात जाताना दिसत आहे. त्यामुळे मुंबईला आल्यावर पुन्हा पलाशची तब्येत बिघडल्याचे समोर आले आहे.

अमिता मुच्छल यांनी सांगितल्यानुसार, स्मृतीच्या वडिलांची तब्येत बरी होत नाही, तोपर्यंत लग्न पुढे ढकलण्याचा निर्णय हा पलाशने घेतला. पलाशचे स्मृतीच्या वडीलांशी चांगले नाते आहे. आता स्मृती मानधना आणि पलाश मुच्छल यांचे लग्न होणार की नाही? त्यांच्या नात्यांचे पुढे काय? असे प्रश्न स्मृती मानधनाच्या चाहत्यांना पडले आहे.