Ayesha-Shoaib Relationship Update: भारतीय टेनिस स्टार सानिया मिर्झा आणि पाकिस्तानचा क्रिकेटपटू शोएब मलिक यांच्या घटस्फोटाची गेल्या काही दिवसांपासून चर्चा होती. त्या दोघांच्या घटस्फोटाची अनेक कारणे सुद्धा समोर आली होती. दरम्यान शोएबची कथित गर्लफ्रेंड आयेशा हिने यावर स्पष्टीकरण दिले आहे.

एका मुलाखती दरम्यान 41 वर्षीय अभिनेत्रीने आयेशा हिने सांगितले की, शोएबसोबत तिचे फोटोशूट हे शोएब आणि सानियाच्या वैवाहिक जीवनातील अडचणीचे मुख्य कारण मानले जाते आहे. परंतु हे फोटोशूट 2021 मध्ये करण्यात आले होते. मीडियाने अलीकडेच त्याचा वापर करून वाद निर्माण केला आणि यामुळेच मी आणि शोएब रिलेशनशिपमध्ये आहोत असे अनेकांना वाटत आहे. (Actress)

आयशाच्या म्हणण्यानुसार, शोएबसोबतचे तिचे फोटोशूट हे प्रोफेशनल अफेअर होते पण काही लोकांनी ते रोमँटिक शूट मानले होते. आयशा म्हणाली की, विवाहित लोकांच्या वैवाहिक आयुष्याबाहेरील अफेअरचे ती कधीच समर्थन करणार नाही. याआधी आयशा म्हणाली होती की, मला शोएब आणि सानिया दोघांबद्दल आदर आहे आणि शोएब मलिकसोबत लग्न करण्यात तिला रस नाही. (Celebrity)

शोएबने 2010 मध्ये सानियासोबत लग्न केले. तेव्हापासून हे जोडपे दुबईत राहत आहे. 2018 मध्ये शोएब आणि सानियाला इझान नावाचा मुलगा झाला. काही रिपोर्ट्समध्ये असा दावा करण्यात आला आहे की शोएब आणि सानिया आता एकत्र नाहीत आणि ते त्यांच्या मुलाचे सह-पालक आहेत. तसेच ते दोघे 'द मिर्झा मलिक शो'मध्येही एकत्र काम करताना दिसत आहेत.