Deepika Padukone Birthday Special: दीपिका पदुकोण ही बॉलिवूडमधील स्टार सेलिब्रिटी आहे. दीपिका तिच्या चित्रपटातील कामासाठी भरपूर प्रेम मिळत आहे, तसेच तिचे कौतुक देखील होत आहे. दीपिका फिटनेस आणि डाएटच्या बाबतीतही अनेकांचे प्रेरणास्रोत आहे. दीपिका तिचा फिटनेस आणि खाण्यापिण्याची शिस्त याबाबतीत खूपच काटेकोर आहे. तिने फिटनेस आणि डायटचे महत्त्व अनेकदा सांगितले आहे.

दीपिकाला बरेचदा फास्ट फूड मोह आवरत नाही. परंतु तिचा डायट आणि नियमित व्यायाम याचे रुटीन ठरलेले आहे. जर तुम्हाला दीपिकाचा आहार काय आहे हे जाणून घेण्यासाठी तर आज आम्ही तिची हे रहस्ये उलघडणार आहोत.

दीपिका दर दोन तासांनी जेवते. तिचा आहाराचा एक साधा नियम आहे, ती म्हणते डोळ्यांनी कधीही खाऊ नका, पोट भरेल इतके खा आणि कधीही जास्त खाऊ नका. एका दिवसात सहा छोटे छोटे मिल्सचा सहभाग असू द्या. जास्त खाऊ नका आणि भूक लागणार नाही तेवढेच खा.

दीपिका तिच्या दिवसाची सुरुवात एक ग्लास कोमट पाण्यात मध आणि लिंबू किंवा मेथीचे दाणे मिसळून करते. यानंतर, तिने प्रोटीनने परिपूर्ण असा नाश्ता करते.

दीपिका दुपारच्या जेवणाच्या आधी, एका वाटीत ताजी फळे आणि काही हिरव्या भाज्या खाते. दीपिकाचे दुपारचे जेवण दररोज वेगळे असते, पण ती पोषणाच्या बाबतीत कधीच तडजोड करत नाही. काही दिवस तिचे दुपारचे जेवण अगदी साधे असते (भाज्या, डाळ आणि चपाती) ज्यामध्ये कार्बोहायड्रेट आणि प्रोटीनचे योग्य मिश्रण असते. अनेक दिवस त्यात दोन चपात्या, ग्रील्ड फिश आणि विविध प्रकारच्या ताज्या भाज्या असतात. मात्र, दीपिकाला रस्सम आणि भात खायला सुद्धा आवडते.

दीपिकाने कबूल केले आहे की ती तिच्या संध्याकाळच्या स्नॅक्समध्ये काही बदाम खाते आणि फिल्टर कॉफी पिते. दीपिका रात्री हलका आहार घेते. यामध्ये ती दोन चपात्या, ताज्या भाज्या आणि हिरवी कोशिंबीर खाते. याशिवाय ती अनेकवेळा डार्क चॉकलेट खाते.