Nora Fatehi News: नोरा फतेही तिच्या दमदार डान्स आणि ग्लॅमरस लूकसाठी ओळखली जाते. नोरा नेहमीच तिच्या व्हिडिओ आणि फोटोमुळे चर्चेत असते. नोरा फतेही फिफा विश्वचषकमध्ये सहभागी होण्यासाठी कतारमध्ये गेली होती. तिने तिथे स्टेजवर परफॉर्म केले आणि भारताचा जयघोषही केला. त्यावेळी तिने तिरंग्याचा अपमान केल्याचा आरोप तिच्यावर करण्यात आला आहे. नोराच्या या कृत्यामुळे तिच्यावर टीकेची झोड उठली आहे. तर 200 कोटींची फसवणूक आणि सुकेश चंद्रशेखर प्रकरणात चौकशीसाठी आज नोरा फतेही दिल्लीच्या ईडी कार्यालयात गेली आहे.

मनी लाँड्रिंग प्रकरणात नोरा फतेहीची यापूर्वीही अनेकदा चौकशी झाली आहे. ईडी नोराची पाचव्यांदा चौकशी करत आहे. दिल्ली पोलिसांची आर्थिक गुन्हे शाखा या प्रकरणाशी संबंधित प्रत्येक व्यक्तीवर लक्ष ठेवून आहे. अलीकडेच सुकेशची मॅनेजर पिंकी इराणीलाही दिल्ली पोलिसांनी अटक केली होती. (ED)

आज पुन्हा एकदा नोरा फतेहीची चौकशी होणार आहे. पहिल्यांदा दिल्ली पोलिसांनी नोराची सुमारे चार तास आणि दुसऱ्यांदा सात तास चौकशी केली. सूत्रांनी दिलेल्या माहितीनुसार, चौकशी दरम्यान नोराला सुमारे 50 प्रश्न विचारण्यात आले. (Nora Fatehi)

याआधी बॉलिवूड अभिनेत्री जॅकलिन फर्नांडिसचीही याप्रकरणी चौकशी करण्यात आली आहे. दिल्ली पोलिसांच्या आर्थिक गुन्हे शाखेने जॅकलीनची सुमारे आठ तास चौकशी केली.स्पेशल सीपी क्राईम रवींद्र यादव यांनी दिलेल्या माहितीनुसार, नोरा फतेही आणि जॅकलिन फर्नांडिस यांचा या प्रकरणात सुकेश चंद्रशेखरशी थेट संबंध नव्हता. (Actress)