मुंबई : बॉलिवूड इंडस्ट्रीत लवकरच लग्नसोहळा पार पडणार असल्याचं समजत आहे. कारण नुकतेच सेलिब्रिटी फिटनेस ट्रेनर नुपूर शिखरेने बॉलिवूड (Bollywood) अभिनेता आमिर खानची मुलगी आयरा खानला फिल्मी स्टाईलमध्ये प्रपोज केले आहे. आयरा खान आणि नुपूर शिखरे बऱ्याच दिवसांपासून रिलेशनशिपमध्ये होते. सोशल मीडियावर देखील नुपूर कायम सक्रिय असतो. सोशल मीडियावर फोटो आणि व्हिडीओच्या माध्यमातून चाहत्यांच्या संपर्कात असतो. सध्या सेलिब्रिटी फिटनेस ट्रेनर आणि आयरा खानचा होणारा पती नुपूर शिखरे एका वेगळाच कारणाने चर्चेत आहेत.

नुपूर शिखरेचा एक व्हिडिओ सोशल (Social) मीडियावर मोठ्या प्रमाणात व्हायरल होत आहे ज्यामध्ये तो आमिर खानची मुलगी आयरा खानला प्रपोज करत असल्याचे पाहायला मिळत आहे. हा व्हिडीओ सोशल मीडियावर व्हायरल होताच नुपूर शिकरे आणि आयरा यांच्याबद्दलच्या चर्चा सुरू झाल्या आहेत . असे असतानाच नुपूरचे काही जुने फोटोही सोशल मीडियावर व्हायरल होऊ लागले ज्याने प्रेक्षकांचे लक्ष वेधून घेतले आहे.

माहितीनुसार, नुपूर शिखरेचं न्यूड फोटोशूट झालं आहे. नुपूर शिखरेचा प्रपोजल व्हिडिओ व्हायरल झाल्यानंतर त्याच्या जुन्या न्यूड फोटोशूटमधले फोटो सोशल मीडियावर वेगाने व्हायरल होत आहेत. ज्यामध्ये नुपूर शिखरेचं कोणतेही कपडे न घातलेले फोटो समोर आले आहेत. हे शूट त्याचे खूप जुने आहे त्याने २०१९ मध्ये न्यूड फोटोशूट केलं होतं. सोशल मीडिया अकाउंटवर त्याने फोटो शेअर केले आहेत. फोटोमध्ये तो गवतावर विवस्त्र मध्ये हटके पोज देताना दिसतो आहे.

नुपुल शिखरे फिटनेस फ्रीक आहे. नुपूरने जेव्हा हे फोटो शेअर केले तेव्हाही त्यावरून बराच गदारोळ झाला होता. ही छायाचित्रे शेअर करण्यासोबतच नुपूरने कॅप्शनमध्ये धावण्याचे फायदे सांगितले आहेत.

Edited By : Shraddha Thik