अभिनेत्री शोभिता धुलिपाला आणि नागा चैतन्य त्यांच्या पर्सनल लाईफमुळे सध्या चर्चेत आहेत. सध्या या दोघांच्या लग्नाची चर्चा सुरू आहे. मागील महिन्यापासून या दोघांच्या प्री- वेडिंग कार्यक्रमांना सुरूवात झाली आहे. हे दोघेही डिसेंबरमध्ये विवाहबंधनात अडकणार आहेत. सोशल मीडियावर त्यांच्या लग्नाच्या निमंत्रण पुत्रिकेचे फोटो व्हायरल झाले आहेत.

सोशल मीडियावर समोर आलेल्या नागा चैतन्य आणि शोभिताच्या लग्नाच्या पत्रिकेवर भारताच्या दक्षिण भागातील पारंपारिक संस्कृतीचा समावेश आहे. पत्रिकेवर मंदिर, दिवे, गाय आणि घंटा दिसत होत्या. वधू-वरांच्या नावासोबत त्यांच्या कौटुंबिक तपशीलांचाही समावेश होता. लग्नाची तारीख ४ डिसेंबर २०२४ आहे. हैदराबादच्या अन्नपूर्णा स्टुडिओमध्ये हा कार्यक्रम होणार आहे. सध्या सोशल मीडियावर नागा चैतन्य आणि शोभिताच्या लग्नाची पत्रिका व्हायरल झाली आहे.

बरेच महिन्यांपासून नागा चैतन्य आणि शोभिता यांच्या डेटिंगच्या चर्चा रंगल्या होत्या. त्यांना अनेक ठिकाणी एकत्र स्पॉट करण्यात आले. यानंतर या दोघांनीही अधिकृतपणे त्याचा नात्याची कबुली दिली. ८ ऑगस्टला या दोघांनीही साखपरपुडा करत चाहत्यांना माहिती दिली. लवकरच हे दोघे लग्नबंधनात अडकणार आहेत.

दरम्यान, याआधी नागा चैतन्यने २०१७ मध्ये समांथा रूथ प्रभूसोबत लग्न केले होते. २०२२ मध्ये या दोघांच्याही नात्यात दुरावा निर्माण झाला. दोघांनीही घटस्फोट घेतला. संमाथा आणि नागा चैतन्य एकमेकांपासून वेगळे झाल्यानंतर नागा चैतन्य आता दुसऱ्यांदा लग्नबंधनात अडकणार आहेत.