मुंबई - मिका सिंह (Mika Singh) नेहमीच विविध कारणामुळे चर्चेत असतो. या अगोदर मिका सिंह हा राखी सावंतला किस केल्यामुळे प्रचंड चर्चेत होता. मात्र, आता परत एकदा मिका सिंह चर्चेत आला आहे, परंतू यावेळी मिका सिंहचे चर्चेत येण्याची कारण वेगळेच आहे. रतन राजपूत, राहुल महान, राखी सावंत (Rakhi Sawant), मल्लिका शेरावत या सारख्या सेलिब्रेटींनी नॅशनल टेलिव्हिजनवर स्वयंवर केल्यानंतर आता मिका सिंह देखील एका रिअ‍ॅलिटी शोच्या माध्यमातून आपला जोडीदार शोधण्याच्या तयारीत आहे.

हे देखील पहा -

44 वर्षीय मिका सिंग या शोमध्ये लग्न करणार नसला तरी तो स्वयंवरच्या फॉर्मेटमध्ये जोडीदाराच्या शोधात असेल. तसेच तो फक्त एंगेजमेंट करेल आणि त्यानंतर तो पुढे काही दिवसांनी लग्न करणार अशी माहिती देखील समोर आली आहे.

सूत्रांनी दिलेल्या माहितीनुसार, 'हा रिअ‍ॅलिटी शो एखाद्या स्वयंवर शोसारखा असेल. हा शो काही महिन्यांत प्रसारित करण्याची योजना आहे. मीका या शोचा भाग होण्यासाठी खूप उत्सुक आहे. या शोमध्ये देशभरातील स्पर्धक सहभागी होणार आहेत.