बहुप्रतिक्षित चित्रपट 'मेट्रो इन दिनों' (Metro In Dino) प्रेक्षकांच्या भेटीला आला आहे. हा चित्रपट (4 जुलै)ला रिलीज करण्यात आला आहे. 'मेट्रो इन दिनों' चित्रपटाचे दिग्दर्शन अनुराग बासू यांनी केले आहे. 'मेट्रो इन दिनों' हा एक रोमँटिक ड्रामा आहे. यात प्रेम कथा दाखवण्यात आल्या आहे. चित्रपटाने पहिल्या दिवशी किती कोटींची कमाई केली जाणून घेऊयात.

'मेट्रो इन दिनों' बॉक्स ऑफिस कलेक्शन दिवस 1

'मेट्रो इन दिनों' चित्रपटाची संथ सुरूवात झालेली पाहायला मिळत आहे. मीडिया रिपोर्टनुसार, चित्रपटाने पहिल्या दिवशी 3.35 कोटी रुपयांची कमाई केली आहे. चित्रपटाचे बजेट 85 कोटी रुपये आहे. चित्रपटातील गाणी सोशल मीडियावर धुमाकूळ घालत आहेत. 'मेट्रो इन दिनों' चित्रपट वीकेंडला किती कोटींचा व्यवसाय करणार हे पाहणे महत्त्वाचे ठरणार आहे.

'मेट्रो इन दिनों' स्टारकास्ट

'मेट्रो इन दिनों' चित्रपटात सारा अली खान, आदित्य रॉय कपूर, कोंकणा सेन शर्मा, फातिमा सना शेख, पंकज त्रिपाठी, अली फजल, अनुपम खेर आणि नीना गुप्ता हे तगडे कलाकार पाहायला मिळत आहेत.

'मेट्रो इन दिनों'

'मेट्रो इन दिनों' हा चित्रपट 'लाइफ इन अ मेट्रो' या 2007 साली रिलीज झालेल्या चित्रपटाचा सीक्वल आहे. इरफान खान, कोंकणा सेन शर्मा, के के मेनन, शायनी आहुजा, शिल्पा शेट्टी, कंगना रणौत आणि शर्मन जोशी पाहायला मिळाले. आजही या चित्रपटाची गाणी प्रेक्षकांच्या मनावर राज्य करीत आहेत. या चित्रपटाने बॉक्स ऑफिसवर चांगली कमाई केली होती. आता 'मेट्रो इन दिनों' किती गाजणार याकडे प्रेक्षकांचे लक्ष लागून आहे.