'लय आवडतेस तू मला' (Lai Avadtes Tu Mala ) या मालिकेतील सरकार-सानिकाला प्रेक्षक भरभरून प्रेम देतं आहेत. प्रत्येक दिवशी मालिका अधिकाधिक रंजक होतं आहे. सरकार - सानिकाच्या प्रेम कहाणीच्या प्रवासात सतत अडथळे येत आहेत. पहिल्या पासूनच सर्वेश सानिका आणि सरकारमध्ये दुरावा निर्माण करण्याच्या प्रयत्नात असतानाच आता मालिकेत पुन्हा एकदा सईची एन्ट्री होणार आहे.

सईच्या येण्यामुळे सानिका आणि सरकारच्या नात्यात काय वळण येईल आणि त्यांना कोणत्या नवी संकटांना समोरे जावे लागणार हे पाहणे रंजक ठरणार आहे. सरकार-सानिकाच्या नात्यात आलेली जवळीक प्रेक्षकांच्या मनाला भिडत असतानाच कथानकात आता अनेक रोमांचक वळण येणार आहे. सानिका सरकारचा वाढदिवस खास बनवण्यासाठी सरप्राईज तयारी करत आहे. पण त्याच वेळी सईही सरकारसाठी खास काहीतरी घेऊन आली आहे.

सईने सरकारला सांगितलंय की, "ती फक्त त्याच्या वाढदिवसासाठीच इथे आली आहे आणि त्याच्या आयुष्यातून सहजा सहजी जाणार नाही." सरकारचा वाढदिवस साजरा होत असताना सई, सानिका, आणि सरकार यांच्यातील तणाव थोडा वाढताना दिसणार आहे. इतकं सगळं होत असताना सानिका सरकारचा वाढदिवस खूप सुंदररित्या साजरा करते.

सानिका आणि सरकारचे नाते सईसमोर आल्यावर पुढे काय होईल? हे 'लय आवडतेस तू मला' या मालिकेच्या पुढच्या भागात पाहायला मिळेल. ही मालिका कलर्स मराठीवर रात्री 9.30 वाजता पाहायला मिळते.