कस्तुरी चित्रपट

दिग्दर्शक नागराज मंजुळे यांनी आपल्या कामातून फक्त मराठी सिनेसृष्टीतच नाही तर बॉलिवूडमध्येही स्वत:ची प्रतिमा तयार केली आहे. नागराज मंजुळे कायमच दमदार विषय घेऊन प्रेक्षकांच्या भेटीला येत असतात. गेल्या काही काही दिवसांपूर्वी ‘घर बंदूक बिरयानी’ सारख्या चित्रपटामुळे नागराज मंजुळे चर्चेत होते. अशातच त्यांनी, २ ऑक्टोबरला स्वच्छ्ता दिनाचे औचित्य साधत आगामी चित्रपटाची घोषणा केली आहे. त्यांनी पोस्ट करत ‘कस्तुरी’ या आगामी चित्रपटाची घोषणा केली आहे.

नागराज मंजुळे यांनी प्रसिद्ध बॉलिवूड दिग्दर्शकासोबत आगामी चित्रपटाची घोषणा केली. नागराज यांच्या आगामी चित्रपटामध्ये बॉलिवूडचे प्रसिद्ध दिग्दर्शक आणि निर्माता अनुराग कश्यप प्रेझेंटर म्हणून चित्रपटामध्ये काम पाहणार आहेत. नागराज यांनी इन्स्टावर पोस्ट शेअर करुन त्याविषयी ‘कस्तुरी’ चित्रपटाबद्दलची माहिती दिली आहे. पोस्टमध्ये नागराज मंजुळे यांनी चित्रपटाच्या प्रदर्शनाची तारीख, चित्रपटाची स्टारकास्ट याबद्दल कोणतीही माहिती दिलेली नाही.

चित्रपटाच्या कथेबद्दल सांगायचे तर, काल अवघ्या देशभरात सर्वांनीच स्वच्छता दिवस साजरा केला. आपला आजुबाजुचा परिसर, समुद्र किनारे, रेल्वे स्थानक इ. अशा ठिकाणी स्वच्छता अभियान केली. स्वच्छतेसाठी आपल्या आयुष्याची फार मोठी किंमत चुकवली आहे, त्यांना हा चित्रपट समर्पित केला आहे.

दिग्दर्शक नागराज मंजुळे यांच्या कामाबद्दल सांगायचे तर, ‘घर बंदुक बिरयानी’च्या दमदार यशानंतर दिग्दर्शक आणि निर्माते नागराज मंजुळे यांनी दोन आगामी चित्रपटाची घोषणा केली. ‘खाशाबा’ आणि त्यानंतर ‘कस्तुरी’. त्याआधी नागराजयांनी ‘फँड्री’, ‘सैराट’, ‘झुंड’, ‘नाळ’ सारख्या उत्तमोत्तम आशयघन चित्रपटांचे त्यांनी दिग्दर्शन केले होते. कायमच नागराज मंजुळेंच्या चित्रपटाची प्रेक्षकांमध्ये चर्चा होते.